حنان شوقي: أقدس الزواج ولازم أبوس إيد زوجي قبل ما ينام

محمد سليم | فى سينما وتلفزيون

حنان شوقي

الأحد , 11 ديسمبر 2022 - 21:59 | اخر تحديث: الأحد , 11 ديسمبر 2022 - 21:59

وصفت الفنانة حنان شوقي الزواج بأنه حالة تتجسد فيها معاني أسماء الله الحسنى.

وقالت حنان شوقي خلال حوارها مع الإعلامية ياسمين عز ببرنامج "كلام الناس" المذاع عبر قناة MBC مصر: "أنا أقدس الزواج لإن فيه كل أسماء الله الحسنى، الود من اسم الودود، والرحمة من اسم الرحمن، والحنان من اسم الحنّان المنان، واسم الخالق لإن الزوجين بيخلقوا كيان على الأرض، واسم الواحد لإن الرجل وزوجته لا ينفصلوا".

نرشح لك - تامرحسني متنكرا في مباراة المغرب والبرتغال.. هل توقع النتيجة؟

حنان شوقي

وأضافت: "أنا طبيعتي لازم أبوس إيد زوجي قبل ما ينام وأسأله إنت مش عايز حاجة مني، ولازم أكون صافية وأنا بتكلم معاه، مش كل واحد شايل سكينة للتاني ورا ظهره".

وردا على سؤال عن وجود حب في حياتها قالت: "أنا كتلة حب متحركة على الأرض، لكن الحب الحقيقي، ولما يكون قلبي ساكن فيه المولى عز وجل وسيدنا النبي أقدر أحس إذا كانت كلمة بحبك صادقة أو كاذبة".

طالع أيضا - "تمثال العجوة" السبب .. يوسف عثمان ضحية جمهور كريستيانو رونالدو بعد التغريدة المسيئة لـ"الدون"

حنان شوقي

وتابعت: "عايزة الحب الحقيقي، عشان لما أعجز وهو يبقى عجوز نفضل نحب بعض، زي ما بنشوف الرومانسية والاحتواء في الأفلام الأجنبية".

وانتقدت حنان شوقي خلال اللقاء الأشخاص الذي قاموا بتداول أحد مشاهدها من فيلم "الإرهابي" مع النجم الكبير عادل إمام، مع عمل تكبير لأجزاء من المشهد مصحوبة بتعليق "رجليها حلوة"، واصفة أصحاب هذا السلوك بالنفوس المريضة.

وقالت حنان شوقي: "الناس سابوا كل حاجة في الفيلم، وركزوا على مشهد الكوتشينة والشورت الأصفر، نفوس مريضة".

حنان شوقي

وأضافت: "أول ما ظهرت السوشيال ميديا، دخلت لقيت ناس ناشرة المشهد وكاتبين رجلين حنان بقيت هتجنن، دي عالم بتتاجر والموضوع بالنسبة لها مش فن".

وتابعت: "اللي كتب رجلين حنان شخص مريض نفسيا شهوته بتحركه وبتخليه يتفرج على ده".

وكشفت حنان شوقي عن تعرضها لإصابة بعد تصوير ذلك المشهد قائلة: "بعد المشهد ده بالذات، كنت بتصور فوتوغرافيا والبلاتوه كان عالي جدا، وفجأة كإن حد شدني من شعري وصرخت صرخة موت، وجالي تمزق في الأربطة، لدرجة إن عادل إمام قال حنان خدت عين الفيلم".

اقرأ أيضا:

رمضان 2023- الـ15 حلقة يكسب … منى زكي وياسر جلال ودينا الشربيني يتنافسون بمسلسلات قصيرة في المارثون الرمضاني

قبل عرض الحلقات الأخيرة … رسائل أبطال "الغرفة 207" لأحمد خالد توفيق

أصالة: من وقت ما وصلت مصر وأنا مصرية وأهلاوية كمان

رمضان 2023- دينا الشربيني "كوميدية" في "كامل العدد"

لا يفوتك: تحليل النغمات مع عمك البات: أفضل 5 أغاني لكأس العالم في تاريخه

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5