تامر حسين: قالوا لي اللي بيكتب لعمرو دياب ميكتبش لتامر حسني وأنا كسرت القاعدة

FilFan | فى سينما وتلفزيون

تامر حسين

الجمعة , 2 ديسمبر 2022 - 11:48 | اخر تحديث: الجمعة , 2 ديسمبر 2022 - 11:48

كشف الشاعر تامر حسين أنه كسر القاعدة المتداولة في الوسط الغنائي، بأن من يتعاون مع عمرو دياب لا يتعاون مع تامر حسني والعكس.

وقال تامر حسين خلال حواره مع الإعلامية منى الشاذلي في برنامج "معكم منى الشاذلي" على قناة cbc، أن هذه القاعدة المتداولة استفزته ودفعته للتعاون مع تامر حسني، قائلا: "أنا عشان كده كتبت لتامر حسني، ده كان أكتر سبب مستفز، لأن أصلا عمري ما شوفت عمرو دياب مهتم بصراعات، وأكيد تامر في الناحية التانية زمايله ما سمعوش ده".

تامر حسين من برنامج معكم

تابع: "حسيت إن الناس كانت عاملة حساسية ومحدش كسرها، حتى تامر كان متخيل إن ممكن يبقى في حساسيات وكده وتامر بيحب عمرو دياب جدا وبيحترمه وقالي ده".

نرشح لك: من بينهم شاروخان وشارون ستون ... النجوم يجتمعون في افتتاح مهرجان البحر الأحمر السينمائي الدولي

وبسؤاله عن بداية التعارف بينه وبين الفنان عمرو دياب، قال تامر حسين: "أعرف عمرو دياب من 2007 كنا اتقابلنا في ألبوم (الليلة دي) بس محصلش نصيب.. ثم سمع أغنية من الملحن عمرو مصطفى اسمها (مكنتش ناوي اودعك) ونزلت واتسربت في 2008، جينا في 2009 عملت معاه أغنية (وياه) واللي كانت وش السعد كله، والكيميا بينا كويسة اوي في الشغل".

تامر حسين وعمرو دياب

يضيف: "أنا أصلا طول عمري من معجبينه، ولما قربت منه على المستوى الشخصي حبيته أكتر إنسانيا.. وفي حاجة غريبة لاحظتها أول ما اتعرفت على عمرو دياب، كنت فاكره بيبالغ لما كل شوية يقولي عاوز أنجح.. فأقول في نفسي تنجح فين ده أنت بتنجح من وأنا صغير، فطلع كلامه ده حقيقي عنده.. لحد السنة دي بيقولي عاوز أنجح.. عنده شغف وطاقة غريبة ما شاء الله عليه".

وخلال اللقاء كشف تامر حسين عن المقطع المحذوف من أغنية "يوم تلات" وقال: "في معلومة بقولهالكم لأول مرة إن الأغنية دي آخرها حلم، واحد كان بيحلم، في فانتازيا، يعني مكنش من الطبيعي حد يقابل 3 بنات مرة والتلاتة يرحبوا بيه ويعزموه وو... فكان في كوبليه محذوف في النهاية".

تامر حسين وعمرو دياب وعزيز الشافعي حققوا سويا نجاحات كبيرة

وبسؤاله عن الجزء المحذوف، قدّمه تامر حسين لأول مرة في ستوديو "معكم"، والذي جاء نصه: "ليه يا نوم صحيت ده يوم على كيفي.. ده حلم كان جميل كسرت مجاديفي.. لو حكيت للناس هيقولوا ده خياله.. هيقولوا لي دي قصة تأليفي".