باسم سمرة: أحمد السقا ومخرج "إبراهيم الأبيض" عملولي أزمة

نهال ناصر | فى سينما وتلفزيون

باسم سمرة

الجمعة , 25 نوفمبر 2022 - 12:37 | اخر تحديث: الجمعة , 25 نوفمبر 2022 - 12:37

أكد الفنان باسم سمرة أنه لم يتسرع في اتهامه للفنان أحمد السقا أنه تسبب في حذف مشاهد له في فيلم "إبراهيم الأبيض".

وقال باسم سمرة خلال لقائه في برنامج "حبر سري" من تقديم أسماء إبراهيم ويعرض عبر قناة "القاهرة والناس": طبعا المخرج هو رب العمل وبيكون تحت إشرافه، لكن أنا لسه عند موقفي ومتسرعتش، لأنهم عملولي أزمة، أنا كنت بعمل مشاهد محدش يقدر يعملها وخطرة وبسبب الموضوع دا بقيت أفكر كتير أقدمها تاني ولا لأ.

باسم سمرة اتهم أحمد السقا أنه المتسبب في حذف مشاهده في إبراهيم الأبيض

وتابع: أنت بتخاطر بحياتك وبنفسك وفي النهاية المشاهد تتشال ومش عارف علشان إيه، كان في استهانة، أنا بحب أحمد السقا ومعنديش مشاكل معاه ويشكر أنه طلع قال أنه ملوش علاقة بحذف المشاهد، أنا فهمت قصده لكن المهم هو والمخرج يكونوا فهموا اللي حصل، الشغل بتاعي اتشال ومتقاليش غير آخر لحظة، كنت رايح أحضر العرض واتصلوا بيا يومها يقولولي المشاهد اتشالت ومش أنا لوحدي في غيري كتير.

نرشح لك: هالة صدقي: طليقي تواجد في مصر 20 يوما ولم يحاول الاتصال بأولاده

وكان باسم سمرة قد ظهر مع عمرو الليثي في برنامج "واحد من الناس" وأكد أن أحمد السقا كان وراء استبعاده من فيلم "الجزيرة 2" وتسبب في تهميش دوره بفيلم "إبراهيم الأبيض".

وأوضح أن شخصيته في فيلم "الجزيرة" تعرضت للقتل حتى لا يظهر في الجزء الثاني، قائلا: "الجزيرة كان هيبقى في جزء تاني، وأنا لو موجود كان كلهم هيقعدوا في البيت، أشطر واحد أنا".

باسم سمرة من لقائه في برنامج "واحد من الناس"

وأكد باسم سمرة أن الأمر تكرر في فيلم "إبراهيم الأبيض"، موضحا: " شالوا دوري تقريبا، عشان وجودي كان هيعمل قلق، أنا عملت دور أكتر من رائع، وبنط من الدور السابع وكان في مخاطرة كبيرة".

وتابع: "رحت الافتتاح لقيت الدور كله اتقص، وكان في أحمد رزق مشي من الفيلم أصلا، مظهرش ولا لقطة، وأنا رأيي أحمد السقا اللي عمل كده".

أحمد السقا نفى أن يكون سببا في حذف مشاهد باسم سمرة

وبعدها أكد الإعلامي عمرو الليثي أنه تلقى مكالمة هاتفية من الفنان أحمد السقا، ينفي فيها ما ذكره الفنان باسم سمرة عنه، وقال: "هو مطلبش حق الرد لكن قال بحكم إنت أخويا الكبير أنا بنفي لك إني شلت أو تدخلت في حذف أي مشاهد سواء من فيلم الجزيرة أو إبراهيم الأبيض، وأحلف لك على المصحف".

اقرأ أيضا:

عمرو دياب يغني على شرف المونديال في "لوسيل" بقطر

ريم البارودي تقاضي ريهام سعيد من جديد.. تطالبها بـ200 ألف جنيه تعويض

#شرطة_الموضة: زينة بفستان أبيض وأسود ضيق سعره يتخطى 50 ألف جنيه

حقن الوجه وتحديد الذقن.. أحمد سعد يجري عملية تجميلية جديدة (فيديو)

لا يفوتك: تعرف على رأي شرطة الموضة في فساتين النجمات في ختام مهرجان القاهرة السينمائي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5