بسمة وهبة تدافع عن حسام حبيب: مش مدمن لكن عنده حاجة بتخليه يزعل شيرين عبد الوهاب

نهال ناصر | فى حياة المشاهير

بسمة وهبة

الثلاثاء , 25 أكتوبر 2022 - 17:31 | اخر تحديث: الثلاثاء , 25 أكتوبر 2022 - 17:31

دافعت الإعلامية بسمة وهبة عن الفنان حسام حبيب مؤكدة أن قل ما يقال عنه غير صحيح.

وقالت بسمة وهبة في لقاء مع et بالعربي: "حسام حبيب مش زي ما الناس فاكرة، وأنا لو حسام يسمحلي أتكلم أنا عارفة قصته وهو فيه إيه بالظبط بس مقدرش أتكلم لأني مأخدتش إذنه، حسام ممكن يكون عنده شيء يخليه يتصرف تصرفات ويزعل شيرين، لكن حسام مش مدمن ولا بيتعاطى.

وتابعت متحدثة عن شيرين عبد الوهاب: مش بحب أحكي ولا أنشر علاقاتي بالناس، عندي لشيرين فويس نوت علشان أنزلها في البرنامج لكن مرضتش لأنه مش هيضيف ليها هو هيضيف ليا أنا، وشيرين مجني عليها وضحية هي إنسانة طيبة جدا.

نرشح لك: الملخص- محمد رمضان: مستحيل مطرب يغني أغنياتي والمليونيرات بينزعجوا مني ويمكن مقارنتي بعادل إمام في المستقبل

وأكملت بسمة وهبة متحدثة عن شيرين عبد الوهاب: هي محتاجة تبعد عن مصر فترة من الوقت وتستنشق هواء جديد، تعيش في بلد سنة هي مشكلتها المهدئات والمنومات اللي كانت بتاخدها، وأنا مشفتش منها أكتر من كده ومليش دعوة باللي الناس بتقوله، هي محتاجة تعيد حساباتها وأنها تاخد قرارتها بنفسها هي عندها حالة من الخوف بتخليها دايما عاوزة حد جنبها سواء صديقة أو مديرة أعمال أو زوج، طول الوقت عاوزة عكاز.

حسام حبيب دافع عن نفسه مؤكدا أنه لم يكن سببا في إدمان شيرين عبد الوهاب

وأضافت: أنا زعلانة من شقيق شيرين ووالدتها مش في اللي عملوه لكن في اللي قالوه، هفترض أن الكلام دا حقيقي دي نجمة الوطن العربي إزاي أكشفها بالطريقة دي أنا اعترض، شيرين بنت مصر ومينفعش نجمة مصرية يتقال عليها كده.

View this post on Instagram

A post shared by ET بالعربي (@etbilarabi)

وكان حسام حبيب أجرى مداخلة هاتقية طويلة لبرنامج "الحكاية" الذي يقدمه الإعلامي عمرو أديب عبر شاشة "MBC مصر" للرد على الاتهامات التي طالته في الفترة الماضية في أزمته مع طليقته النجمة شيرين عبد الوهاب.

وأكد حسام حبيب أنه كان على علم بإدمان النجمة شيرين عبد الوهاب منذ فترة وخيرها بين الاستمرار في الإدمان أو خضوعها للعلاج واستمرار زواجهما، وقال: "مليش علاقة بالموضوع وهو ده كان سبب خلافنا، خيرتها بيني وبين المخدرات، ولكنها ظلت في نفس الوسط، ورفضت السماع لنصيحتي وهذا سبب طلاقنا".

وأكد أنه طوا لالوقت يحاول حمايتها من كل من يحاول استغلالها

وأضاف: بيقولوا إن أنا السبب في اللي شيرين فيه، يبقى المفروض إني ابقى زيها، أنا أهلي عندهم أكبر المستشفيات، هيسيبوني يعني كدة؟ أغلب مشكلاتي مع شيرين كانت بسبب أسلوب حياتها، وعندما ظهر الإدمان في حياتها، قلت لها يا أنا يا الحاجة دي.

وأكد حسام حبيب أنه سعى أثناء زواجهما لعلاج شيرين عبد الوهاب من الإدمان، وقال: "لكن منهم لله اللي خدوها دخلوها في سكة تانية أوحش، عشان كدة أنا كنت معترض ومش ممتلك زمام الأمور، مين يصاحبك ومين يدخل، فكان وجودي مالوش لازمة".

لمعرفة كل تصريحات حسام حبيب في مداخلته ببرنامج "الحكاية" ورده على أزمته مع شيرين عبد الوهاب من خلال هذا الرابط

لم ينته الأمر عن هذا الحد، علق حسين حبيب والد حسام حبيب على تصريحاته وكان له رأيا آخر، وكتب حسين حبيب في منشور عبر حسابه بموقع Facebook: "قولوا الحق ولو على أنفسكم، هو ينفع أخالف شرع ربنا بحجة إنى أحمي أولادي البنات؟ ليها الثلثين والأهل ليهم الثلث بعد عمر طويل، وده يخلي الأهل راضيين ويراعوا البنات بعد عمر طويل، ودي صلة رحم، وغير كده يزرع العداوة بين الأهل".

شيرين عبد الوهاب ووالد حسام حبيب

وتابع: إنت كده مش بتحافظ على مال زوجتك، إنت بتخالف شرع ربنا والنتيجة إنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك.

وأضاف: هو ينفع أخوها بقاله أكتر من 20 سنة بيراعي أخته وهي مصدر رزقه، آجي أقفل عليه الحنفية ويقعد أربع سنين من غير شغل وراجع تاني تقفل عليه الحنفية هو وأمه وأخته وعايزه يسيبك، ياناوي على قوتي ياناوي على موتي، الزوج يتعوض الأم والأخ ما يتعوضوش، كلمة حق لوجه الله، والدين النصيحة.

لمزيد من التفاصيل حول هجوم والد حسام حبيب عليه

يذكر أن موقع "في الفن" كان قد انفرد بتفاصيل ايداع شيرين عبد الوهاب في مصحة نفسية من قبل عائلتها بالتنسيق مع الطبيب النفسي المشرف على علاجها من الإدمان.

شيرين عبد الوهاب تتواجد في إحدى المستشفيات للعلاج من الإدمان

وكشف مصدر مقرب من الفنانة في تصريحات خاصة لـ FilFan.com أن شيرين لم تكن تعاني من إصابة بقطع في الرباط الصليبي كما تردد مؤخرا، بل تم إيداعها في مصحة نفسية بمنطقة مصر الجديدة بعد تعرضها لاضطرابات نفسيه حادة.

وأكد المصدر أن شيرين عبد الوهاب علقت كافة ارتباطاتها الفنية خلال المرحلة القادمة نظرا لما تمر به من ظروف صحية ونفسية لا تسمح لها بالعمل لحين تماثلها للشفاء.

آخر ظهور لشيرين عبد الوهاب قبل أزمتها في برنامج "صاحبة السعادة"

وكانت كريمة أبو زيد، والدة الفنانة شيرين عبد الوهاب، قد استنجدت بالإعلام من طليق ابنتها حسام حبيب ، وقالت في تصريحات مع الإعلامي عمرو أديب عبر برنامج "الحكاية": "حسام حبيب ده شر أنقذوا بنتي منه وبتسهروا هما الاتنين يشربوا مخدرات وأنا اللي طلبت من ابني إنقاذ أخته".

نفس التصريحات أكدها شقيقها محمد عبد الوهاب الذي اتهم حسام حبيب صراحة بدفع شقيقته للإدمان من أجل استغلالها ماديًا هو ومجموعة من أصدقائهما.

اقرأ أيضا:

الشركة المنتجة لفيلم "جروب الماميز" تحرر محضرا ضد غادة عادل

إدوارد: عرضنا على عامل نظافة "واقعة الكشري" ألف جنيها وطلب مبلغًا أكبر للظهور في "القاهرة اليوم"

محمد رمضان: مفيش فنان يقدر يحاربني كلهم غلابة وطيبين (فيديو)

#شرطة_الموضة: درة بفستان أسود بورود حمراء في برنامج "الحكاية".. سعره يقترب من 50 ألف جنيه

لا يفوتك: تحليل النغمات مع عمك البات- أفضل 10 أغاني في صيف 2022

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5