عمرو سعد يتحدث عن علاقته باليوجا وسر العضلات .. كيف يقضي على التوتر بزيارة "السوبر ماركت"؟

محمد سليم | فى سينما وتلفزيون

عمرو سعد

الأربعاء , 5 أكتوبر 2022 - 22:20 | اخر تحديث: الأربعاء , 5 أكتوبر 2022 - 22:21

حل النجم عمرو سعيد ضيفا على حلقة جديدة من برنامج "في البوكس"، وكشف خلال اللقاء عن جوانب من علاقته بشقيقه المطرب أحمد سعد، ومحاولته دخول مجال الغناء في المرحلة الجامعية، وسر اهتمامه بالرياضات التأملية مؤخرا.

أوضح عمرو سعد أن اهتمامه بالرياضة وتدريب عضلاته بدأ كجزء من التحضيرات لأدواره، قبل أن يتحول إلى ممارسة دائمة يحرص عليها، وكشف عن أنه اتصف بالخجل الشديد في طفولته، ونستعرض في السطور التالية أبرز تصريحاته للبرنامج:

نرشح لك - خاص تطوير الفرقة ومشروع موسيقي جديد .. تفاصيل مفاجآت محمد منير وفتحي سلامة بعد حفل "زد بارك"

عمرو سعد

- سر ثبات شكلي ووزني؟ الكسل، أنا بسقط وفي أيام بتعدي مني في التفكير، دي أيام مش محسوبة من عمري

- أحمد سعد يطلب مني عدم نصحه، هو ماشي كويس لوحده، ويقول لي "ليه تنصحني كنت نفعت نفسك"

عمرو سعد

- فورمة العضلات كانت الأول لما أعمل دور، دلوقتي بقت جزء من حياتي، لإن الممثل لازم طول الوقت يكون جسمه فايق

- لما تاكل قليل تعرف تفكر أفضل وتشتغل بطاقة أعلى

طالع أيضا - 5 أسباب تدفعك لمشاهدة Monster: The Jeffrey Dahmer Story .. قصة قاتل متسلسل حقيقي

عمرو سعد

- حضرت العرض الخاص لفيلم "المصير" ببدلة صاحبي ضياء. بدلة ضياء لفت في أفراح وعزا، ومش أنا لوحدي اللي أستلفتها

- لا يمكن ألبس على ذوق حد، بالبس حسب دماغي وذوقي بيتغير طول الوقت

عمرو سعد

- معرفش مين رفضني في لجنة معهد السينما، وكان عندي ثقة عمياء إني نجحت

- مفيش حاجة مشتركة بيني وبين أحمد سعد غير أبويا وأمي وإخواتي، وهو بيحاول يبقى زيي عشان أنا عظيم وعالمي

أحمد سعد

- أول مرة حاولت أغني كانت على مسرح مدرسة بنات في أولى إعدادي، وفضلت ساكت لحد ما واحد قال فين أم الولد ده تاخده

- حاولت أغني في الكلية مع فرقة ضاربها السلك، الصوت ضرب وكل الفرقة سابتني

- ممكن أغير شكل شعري لو حبيبة بنتي قالت شكله وحش

- بتخلص من التوتر بزيارة السوبر ماركت، لإن شكل الفاكهة وألوانها بيعالجني

- مؤخرا بدأت أهتم باليوجا والتأمل، وده بيحققلي تسامح مع الناس وتصالح مع الذات

- ابني رامي خد مني الاعتزاز بنفسه، وعلي أخد مني حب التواجد مع الناس، وحبيبة ورثت مني الخجل الاجتماعي

- مصطفى شعبان عنده وسواس، طول الوقت والمعلقة في مية مغلية، وممكن يلبس كمامتين فوق بعض

مصطفى شعبان

- صبا مبارك مترددة وبنت نكتة

- أسماء أبو اليزيد عندها تركيز أكثر من اللازم في الشغل

- ياسمين رئيس قنبلة ضحك وذكاء

يذكر أن عمرو سعد خاض سباق دراما رمضان 2022 بمسلسل "توبة"، وشاركه البطولة صبا مبارك، أسماء أبو اليزيد، ماجد المصري، حسن أبو الروس، انتصار ونخبة من النجوم، والمسلسل نت إخراج أحمد صالح.

اقرأ أيضا:

"قدم دوره بسلاسة واتزان".. ردود أفعال إيجابية على مشاركة أحمد بلال في "دوبامين"

أمير كرارة يبدأ تصوير "سوق الكانتو" خلال أيام لرمضان 2023

هجرة الفنانين ... عمرو سلامة يحذر من أزمة جديدة تهدد السينما في مصر

أحمد فهمي وأحمد السعدني يشاركان في رمضان 2023 بمسلسل "سر السلطان" مع خالد يوسف

لا يفوتك: تحليل النغمات مع عمك البات- تقييم أغنية "دلوقتي عجبناكم" لبهاء سلطان

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5