إسلام إبراهيم يهاجم والد المطرب النقاش: الناس مش بتخلف العيال عشان تستعبدهم

محمد أحمد | فى حياة المشاهير

إسلام إبراهيم

الأحد , 21 أغسطس 2022 - 20:42

هاجم الفنان إسلام إبراهيم، والد المطرب النقاش أحمد سالم، عبر صفحته بموقع التواصل الاجتماعي Facebook.

وقال إسلام إبراهيم: "أنا عارف إن الكلام اللي هقوله ده ممكن ميعجبش ناس كتير بس أنا شايف الترند ده من زاوية تانية خالص، فكرة أنك ربنا يرزقك بشابين زي دول ينطبق عليهم كلمة شباب زي الورد لأنهم ربنا كارمهم بالوسامة والموهبة والصوت الحلو وعندهم المؤهلات إنهم يكونوا نجوم ومتحاولش تساعدهم أنهم يحققوا حلمهم أو يعملوا الحاجة اللي بيحبوها".

نرشح لك - رامي جمال يكشف سبب مساعدته للمطرب النقاش أحمد سالم: كلنا أسباب لبعض (فيديو)

وأضاف: "بتفرض عليهم قيود ومسئوليات مش بتاعتهم زي إن هما يجهزوا أخواتهم البنات اللي أكبر منهم حضرتك البنات دول أنت اللي خلفتهم مش هما والحياة دي حياتك انت مش حياتهم هما وتفرض عليهم يكونوا نقاشين وده مش تقليلا من مهنة النقاش أكيد هي مهنة محترمة وشريفة لكن أي حد مش موهوب يقدر يشتغلها لكن مش أي حد عنده الموهبة والصوت ده".

وتابع إسلام إبراهيم: "خلاصة الكلام إحنا مش بنخلف العيال عشان نستعبدهم إحنا عندنا مفاهيم مغلوطة كتير في فلسفة الجواز والخلفة والتربية وزي ما طاعة الوالدين واجبة وأي ابن بيفتح بقه أو يعترض على حاجة مش عجباه بيبقى ابن عاق كمان الولاد أمانة هتتسئل عليها قدام ربنا".

وكان المطرب النقاش أحمد سالم قد تصدر تريند مواقع التواصل الاجتماعي، بعد انتشار فيديو له أثناء غنائه بكره يا حبيبي للفنانة الجزائرية وردة، خلال عمله في طلاء المنازل، وزاد الأمر بعدما أعلن رامي جمال عن البحث عنه لعمل أغاني له.

اقرأ أيضا:

حسام حبيب ونصر محروس أشهرهم ... "بوس الإيدين" طريقة شيرين عبد الوهاب للتعبير عن الامتنان

عاري الصدر وبصحبة أبنائه .. 5 ملاحظات على كليب محمد رمضان "مايركبش بسكلته" أبرزها الأيحاءات الخارجة

نفت إدمان الأدوية سابقا .. قبلة شيرين على يد طبيب سموم وإدمان تثير الجدل (فيديو)

شيرين عبد الوهاب لجمهور مهرجان قرطاج: أنا كنت عايشة ميتة (فيديو)

لا يفوتك: وئام مجدي لـ"في الفن": اتسببت في طلاق رجل ضايقني على السوشيال ميديا... وتيتة مش عارفه أنها بتتصور

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5