عايدة رياض لمنتقدي احتفالها بعيد الأضحى: الذبح موجود في كل الأديان.. وربنا يخلينا لبعض

محمد أحمد | فى حياة المشاهير

عايدة رياض

الأربعاء , 13 يوليو 2022 - 23:51 | اخر تحديث: الأربعاء , 13 يوليو 2022 - 23:53

ردت الفنانة عايدة رياض على منتقدي احتفالها بعيد الأضحى المبارك بسبب تصريحاتها حول مشاركتها المعتادة في ذبح الأضاحي مؤكدة أنه لا يوجد فرق بين المسيحي والمسلم في مصر.

وقالت عايدة رياض في منشور عبر حسابها بموقع Instgram: "انا مسيحية وبحتفل بعيد الأضحى.. أنا مش شايفة أن الموضوع كان مستاهل كل الضجة دي إطلاقا.. كوني مسيحية وبشارك في الاضاحي وباكل فتة وبنعيش اجواء العيد مع بعض ودي حاجة مش بتقلل مني أو حتى بتثير الجدل بالعكس ده شيء محمود جدا".

نرشح لك - نرمين الفقي ترد على شائعة خطبتها لأحمد أبو هشيمة

وأضافت: "الذبح عموما موجود في كل الاديان السماوية وموجود في ديانتنا وبنشترك كلنا وبنضحي وبنتجمع كالعادة وخلي إلى يتكلم يتكلم، وانا متعودة على كدا من زمان وعمر ما حد كان بيسأل على ديانة حد ايه الدين لله والوطن للجميع وكلنا في الآخر مصريين اخوات وأهل وصحاب واحبة ومفيش فرق بينا إطلاقا ولما حد كان بيتكلم كلمة مش كويسة عن الإسلام كنت بطلع ارد بنفسي لأننا واحد يا جماعة مفيش فرق بينا لأننا بنتشارك الوطن إلى بيجمعنا على المحبة والود وطول عمرنا ايد واحدة وهنفضل ايد واحدة ويقول غير كدا دول ناس فاضية".

وتابعت عايدة رياض: "أنا مش عايزة ادخل في جدل مع حد من دول.. يارب دايما متجمعين في الخير ودايما اخوات وأهل وصحاب وجيران وحبايب ودايما ايد واحدة وربنا يخلينا لبعض".

View this post on Instagram

A post shared by عايدة رياض - Aida Riyad (@aidariyadofficial_)

ومن ناحية أخرى تشارك عايدة رياض في مسلسل "ورد"، للفنانة حنان مطاوع، والذي كان من المفترض أن يُعرض في السباق الرمضاني 2022، ولكن تأجل لأجل غير مسمى.

اقرأ أيضا:

اللقطات الأولى من حفل تامر حسني في العلمين الجديدة

"شاهد VIP" تطرح بوستر مسلسل "الغرفة 207".. ريهام عبد الغفور بلوك مختلف

لمن اختلط عليهم الأمر.. تامر حسني يكشف حقيقة إيرادات فيلم "بحبك"

#شرطة_الموضة: تفاصيل إطلالة ياسمين صبري البسيطة.. سعر الساعة يتخطى مليون و500 ألف جنيه

لا يفوتك: أغنية "سلملي" لصابر الرباعي في ميزان "عمك البات"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5