"مجرم حقير" .. سمية الخشاب تطالب بإعدام قاتل طالبة جامعة المنصورة

محمد سليم | فى سينما وتلفزيون

سمية الخشاب

الاثنين , 20 يونيو 2022 - 19:30 | اخر تحديث: الاثنين , 20 يونيو 2022 - 19:30

طالبت الفنانة سمية الخشاب بإعدام قاتل طالبة جامعة المنصورة نيرة أشرف، في الواقعة التي أثارت غضب الرأي العام، وتفاعل معها عدد من الفنانين، معبرين عن غضبهم وحزنهم لمصير ضحية الواقعة.

وكتبت سمية الخشابة عبر حسابها في تويتر تغريدة قالت فيها : "ارجوكم لو لقيتوا اي ست بتتضرب او بتتعرض لعنف في اي مكان اتدخلوا يمكن تنقذوا حياتها، حرام بنت في العمر ده لسه ماشافتش دنيا تروح عشان حقير مجرم قاتل زي ده، ربوا اولادكم بقي عشان قرفنا، متخلفوش لو انتوا مبتعرفوش تربوا كفايه!! واعدام ان شاء الله".

نرشح لك - أيمن سلامة عن طالبة جامعة المنصورة: لما قابيل قتل هابيل كان شاف أفلام محمد رمضان!

ارجوكم لو لقيتو اي ست بتتضرب او بتتعرض لعنف في اي مكان اتدخلوا يمكن تنقذوا حياتها، حرام بنت في العمر ده لسه ماشافتش دنيا تروح عشان حقير مجرم قاتل زي ده، ربوا اولادكم بقي عشان قرفنا، متخلفوش لو انتوا مبتعرفوش تربوا كفايه!! واعدام ان شاء الله.#حق_نيرة_اشرف
— Somaya Elkhashab (@somayaelkhashab) June 20, 2022

وأعربت سمية الخشاب عن استيائها من بعض التعليقات التي قرأتها حول الحادثة، وكتبت في تغريدة أخرى : "المهم وانا ببص كده علي التعليقات لقيت شويه مرضي نفسيين ميقلوش اجرام عن اللي ارتكب الجريمه بيلوموا البنت ويقولوا كانت لابسه لبس مش محتشم وبيبرروا دبحها، يعني اتدبحت وراحت حياتها وكمان مذنبه، لازم الناس دي تفوق لانهم بيبقوا مشاريع اجرام وربوا اولادكم عشان قرفنا منكم ومنهم".

المهم وانا ببص كده علي التعليقات لقيت شويه مرضي نفسيين ميقلوش اجرام عن اللي ارتكب الجريمه بيلوموا البنت ويقولوا كانت لابسه لبس مش محتشم وبيبرروا دبحها، يعني اتدبحت وراحت حياتها وكمان مذنبه، لازم الناس دي تفوق لانهم بيبقوا مشاريع اجرام وربوا اولادكم عشان قرفنا منكم ومنهم
— Somaya Elkhashab (@somayaelkhashab) June 20, 2022

وأضافت في تغريدة تالية : "وحبيبتي نيرة في الجنه ان شاء الله، وان شاء الله تكوني سبب انه العنف والقرف ده يقف بعقاب رادع يبقى عبره لاي حيوان بشري يفكر بس يلمس شعره من بنت مش يدبحها، منه لله وان شاء الله عقاب اسود في الدنيا وفي الاخره".

طالع أيضا - خالد سرحان عن حادث طالبة جامعة المنصورة: في ناس شايفين انها تستاهل عشان لبسها

وحبيبتي نيره في الجنه ان شاء الله، وان شاء الله تكوني سبب انه العنف والقرف ده يقف بعقاب رادع يبقي عبره لاي حيوان بشري يفكر بس يلمس شعره من بنت مش يدبحها، منه لله وان شاء الله عقاب اسود في الدنيا وفي الاخره
— Somaya Elkhashab (@somayaelkhashab) June 20, 2022

وخلال الساعات الماضية انتشر مقطع فيديو صادم لفتاة تدعى نيرة أشرف تلقى مصرعها على يد زميلها طعنا بالسكين أمام جامعة المنصورة، قبل أن يتمكن الأهالي من الإمساك به وتسليمه للشرطة.

وقال أحد شهود العيان، إن الطالب المتهم سدد طعنة لطالبة جامعة المنصورة في البطن أولا، وعندما سقطت على الأرض انهال عليها لذبحها، وحاول الفرار بسرعة إلا أن بعض الطلاب أمسكوا به وخلال لحظات حضر أمن الجامعة وقيد يديه وراء ظهره، وقام عدد من الطلاب والأهالي بضربه ضربات قاسية ظل ينزف على إثرها.