مجدي الهواري يوضح سبب انتقاده لمحمد صلاح: عشان يركز في الكرة

مي جودة | فى حياة المشاهير

مجدي الهواري

الثلاثاء , 10 مايو 2022 - 15:34 | اخر تحديث: الثلاثاء , 10 مايو 2022 - 16:11

وضح المخرج مجدي الهواري أسباب كتابته منشورا يهاجم فيه نجم كرة القدم المصري محمد صلاح.

كتب الهواري عبر حسابه بموقع Facebook: "المفروض ان معروف قد ايه انا بحب محمد صلاح مش محتاج اقول ده! لأني بشجع النادي اللي بيلعب فيه بس علشانه، وقبل كده كنت بشجع روما وقبلها تشلسي بردو علشانه، وحاطط صورته فوق سرير بطل مسلسلي طول ال30 حلقة علشان يبقي قدوة لكل جيل والشباب اللي بيشوفوا المسلسل ومنهم ولادي، وأنا واحد من الناس الي شايف أنه مش واخد حقة وقولت ده كتير! سواء في فرصة الكورة الذهبية ولا حتي في مرتبه اللي بيخده حاليا!!".

وتابع: بس رأي مش مهم جنب المعاير العالمية لفرصة الاتنين، بس جات الفرصة في العروض اللي بتتعرض عليه في نوادي تانية بالرقم اللي هو عايزه ويمكن اكتر سواء في باريس سان جيرمان او الريال وهو عارف ان ليفربول مش يدفعوا الرقم ده لحسابات كتيرة .. واكتر رقم هيدفعوه هو ال 400 الف، وانا كتبت قبل كده اوعي تمشي ياصلاح من نادي عملك نشيد!! المشكلة مش هنا ،، ولا المشكلة في الانتقال!
المشكلة في الحسم ! في القرار! علشان صلاح يركز في الكورة .. والله ده كان قصدي، المشكلة في سبب كتابة البوست الانفعالي جدا.

وأضاف: ععلشان مصلحته في اللي كتبته!! المشكلة ان ابننا صلاح تركيزه في المباريات بيقل لما يكون في حاجة تانية شغلاه ومحدش ينكر ده ! لدرجةًان الخصم بقي يلعب علي ده وواضح ان مدير اعماله مش باعد عنه كل كلام المفاوضات ومخليه بيفكر طول الوقت معاه .. لازم يشتغل علي نفسه في الموضوع ده زي ماشتغل علي نفسه في حاجات كتيرة وبقي قدها واتخلص منها !! زي اتقان اللغة وتحديات كتيرة جداً وتدريباته المستمرة علي رفع كفاءة الاداء، بعدين مع كارثة كمان خروجنا من كاس العالم اللي لحد دلوقتي مأثرة عليه واحساسه بالمسؤلية امام الشعب المصري كله . مش بس جمهور الكورة اللي احنا نفسنا واضح نسيناها وهو الوحيد اللي لسه متأثر بيها !! مع الفرصة الضايعة في الكورة الذهبية تاني !! لانه معملش حاجة لمنتخب بلده . واللي مخليه مش بينام بسببها.

واستكمل: الله يكون في عونه الصراحة احلام كتير بيفكر فيها وافكار كتيرة بترن جواه و مخلياه مش في الفورمة بقاله شوية حلوين !!
هو انتم كمان مش معايا انه من ساعة مارجع من أفريقيا وهو مش تمام!! ولا مش متابعين الفرص الكتير الضائعة منه اليومين دول ولا كلوب لمًا قال صلاح بنعالجه بعد رجوعه ..قولوا كلمة حق بقي !! لصالحه 😅بس اليومين دول يومين حسم الالقاب ياابو صلاح 🫣مفيش دلع 🔥💪 دوري بعد ماتش تعادل توتنهام / وابطال اوروبا وماتش الريال والثار القديم😉 !! ولقب الهداف اللي سون قرب منه بعشرين جون !! وتركيزك في الانتقال والمفاوضات .. علشان كده بقولك انت في خطر !! ركزززززززززز !

واختتم كاتبا: اعتقد ان كلامي كده وضح ياجماعة اني خايف علي صلاح 🤔 وده سبب في انفعالي لانه الحاجة الوحيدة الحلوة اللي حيلتنا .. ولا ايه!! أانا عايزه يركز في الكورة في الملعب لانه ده هو اللي هيجيبله ويجيب لنا كل الخير .. مساء الخير ياصلاح ✌🏽 وزي ماتريكه بيقوله ! ركز ياصلاح 💪 اشوفكم بعد ماتش الريال!! ميارة الحسم!! اتمني. عودة صلاح بكاس إبطال اوروبا ✌🏽🙏👌!! يارب يبقي كلامي حماسي للفرعون الصغير فخر قلبنا ♥️

وكان مجدي الهواري كتب منشورا قبل هذا يطالب فيه صلاح بالتركيز في قرار استمراره أم رحيله من فريقه، ونال بسببه هجوم شديد.

اقرأ أيضا:

الظهور الأول لحفيدات فريدة سيف النصر في عيد ميلادها

مي حلمي تقاضي فتاة نشرت فيديو مسيء لها

حسين أبو حجاج: هنيدي عاملني بطريقة مسيئة

لا يفوتك- أول تصريحات من محمد ممدوح بعد فوزه بجائزة أفضل ممثل في مهرجان "مالمو" للسينما العربية

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5