الظهور الأول لحفيدات فريدة سيف النصر في عيد ميلادها

محمد سلطان محمود | فى حياة المشاهير

فريدة سيف النصر مع أسرتها

الثلاثاء , 10 مايو 2022 - 12:34 | اخر تحديث: الثلاثاء , 10 مايو 2022 - 14:14

احتفلت الفنانة فريدة سيف النصر بعيد ميلادها الـ67 وسط أسرتها.

وحرصت فريدة سيف النصر على نشر صورها مع ابنها وحفيدتيها والهدايا التي حصلت عليها منهم.

‎ ‎صورة‎ ‎

نرشح لك- زوج رحمة أحمد: عشنا فترة صعبة بسبب شائعات الطلاق

عبرت فريدة سيف النصر عن مشاعر السعادة التي غمرتها بسبب إصرار حفيدتيها على اختيار الهدايا بأنفسهما، وكتبت: "ربنا مايحرمني منكم كلكم.. ناناه فريده وتيتا فريده وفيري فرفر، بصوا البرنسستين دول لسه ماقرروش، كل شويه يقولوا اسم لقب يعني يسبق اسمي وفي الأخر يندهوا فريدة، وأنا أقول نحم ياعيون وقلب وروح فريدة".

‎ ‎صورة‎ ‎

وأضافت: "هدايا عيد ميلادي اتخانقوا مع باباهم ومامتهم والله العظيم. وهما اللي طلبوا الحاجات دي واختاروا، أنا فرحانه زي العيل الصغير".

وتابعت فريدة سيف النصر: " الدنيا أهي، شوفتوا محمد ابن امبارح هو اللي بيجيب هديه ليا وبناته ومراته، ورد الدنيا وفل وياسمين حياتي. شكرا محمد ربنا يخليك، والله نفسي أجوزهم في حياة ابوهم وأمهم وأخواتي وعيالهم، وبعدين اتكل مش مهم يعني تلاتين سنه كمان، مايكترش عليك يارب تسمع دعوتي، يعني هي الملكه اليزابيث أغلي عندك مننا؟ يا ريت".

وأستعادت ذكرياتها قائلة: "زي النهارده كنا بناخد التورته ونروح لـ لوزه أمي نطفي الشمع وأخد الهدايا بتاعتي تختار اللي يعجبها وتضحك، وتقول أنا الجمرك.. الله يرحمك يالوزة".

وواصلت في منشور ثاني وقالت: " ياحبايب عمري وروحي.. ربنا يخلليك يارب أنت وأسرتك الصغيرة يامحمد، معلش بقي الناس كلها بتقول البنات شبهي أنا الاتنين.. جيناتي أقوى لأن بيمثلوا ويغنوا ويرسموا ويألفوا الفريدتين بقوا تلاته فريده ربنا معاك".

‎ ‎صورة‎ ‎

وحلت فريدة سيف النصر مؤخرا ضيفة على برنامج المقالب "رامز موفي ستار"، وركز مقدم البرنامج رامز جلال في مقدمته على مشاركتها في عدد كبير من أفلام المقاولات في فترة الثمانينيات.

وقال رامز جلال : "نجمة من الوزن الثقيل فنا وحجما، تربت على أكل البطارخ وترعرعت على لبن البعير، كانت أيقونة الدملكة، ومشهورة بالسهوكة، ومعروف عنها الهشتكة. في فترة الثمانينيات شاركت في بطولة 89 فيلم مقاولات، وكانت تغير من سمانتها الزوجات. ركزت في الكفتة والكباب والمنتجين دخلوها السرداب وقفلوا عليها الباب، معنا أيقونة الإغراء سابقا، والديناصور العائد فريدة سيف النصر".

كما سخر رامز من إطلالة فريدة سيف النصر بمجرد وصولها قائلا : "لابسة كوفية خضري، وجوانتي موتوسيكلات، وجاية تصور مع فاندام بشبشب".