تعرف على خسائر حمو بيكا وشاكوش منذ أزمتهما مع نقابة الموسيقيين

محمد أحمد | فى حياة المشاهير

حسن شاكوش وحمو بيكا

الأربعاء , 13 أبريل 2022 - 20:04

كشف مطربا المهرجانات حسن شاكوش وحمو بيكا حجم خسائرهما بعد أزمتهما مع نقابة المهن الموسيقية.

وأضاف حسن شاكوش أن خسارته تخطت الـ4 مليون جنيه منذ قرار أزمته الأخيرة وإيقافه من نقابة الموسيقيين، قائلا: "أنا خسرت شغل ورجعت عربون شغل كتير لناس ورجعت رقم كبير خلال 8 شهور اللي وقفتهم، ومرجع فوق الـ4 مليون جنيه".

نرشح لك: رامز جلال يسخر من لحية عمرو السولية : "لا حصلت مجدي عبد الغني ولا تامر حسني"

وذكر حسن شاكوش، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أنه لم يقم بتنزيل أي أغنية على قناته باليوتيوب التزاما بالقرار، مؤكدا أنه حقق أرباح من أغنية "بنت الجيران" ولكن مجمل الأرباح مقسمة بين شركتين.

وتابع: "بخاف من الحسد دلوقتي وأغنية بنت الجيران حققت نجاح كبير ولكن الناس مفكرة اليوتيوب بيصرف فلوس بالمشاهدات، والناس خدتها تجارة دلوقتي وبتعمل قنوات يوتيوب ولكن الاعلانات على القناة هو اللي ممكن بتعمل فلوس كويسة".

أما حمو بيكا كشف حجم خسارته تقدر بحوالي 3.5 مليون جنيه منذ أزمته مع نقابة الموسيقيين، قائلا: "خسرت 3.5 مليون في الأزمة الأخيرة في أربع شهور وربنا سترها وبنعافر عشان نأكل عيش واحنا حاليا قاعدين وببقى تعبان نفسيا لما أغني في بلد تانية ونسيب بلدنا اللي أحسن بلد في العالم".

وأكد حمو بيكا، أن الفنان عمرو كمال لم يقف بجانبه خلال أزمته الأخيرة الصحية وتعطل عمله الفني، مضيفا: "عمر كمال موقفش جنبي في أزمتي الأخيرة وهو أخذ المصلحة مني وخلاص".

وتابع: "مصلحة عمر كمال معايا أنه يطلع يعمل فيديوهات ويتشاف بها على السوشيال ميديا وخلاص، وأنا قلبي أبيض".