رحمة أحمد: أي مقارنة بيني وبين دنيا سمير غانم أنا اللي هخسر فيها

نادين يوسف | فى حياة المشاهير

رحمة أحمد من مسلسل "الكبير اوي"

الخميس , 7 أبريل 2022 - 10:25 | اخر تحديث: الخميس , 7 أبريل 2022 - 10:47

تحدثت الفنانة رحمة أحمد عن مقارنتها بالفنانة دنيا سمير غانم والتي جسدت شخصية "هدية" في "الكبير" وعبرت عن حبها لدنيا سمير غانم.

كما وجهت رحمة أحمد الشكر، للفنان أحمد مكي والمخرج أحمد الجندي وأحمد أمين وذلك عبر منشور لها على حسابها بموقع Facebook

قالت رحمة "انا مش عارفة اعبر ان احساسي بالامتنان ..الحمدلله والشكر لله اي حاجة حلوة حصلت او اتقالتلي ده كرم كبير اوي من ربنا يمكن اكبر من اللي استحقه عاوزة اقول ٣ نقط"

نرشح لك: دليل "مربوحة" لـ 5 أشياء تسعد "الكبير" في المنزل ... الأخيرة ستبهرك

وتابعت "الأولى وهفضل اقول البوقين دول كل ما حد يشاور النقطة دي ان فنانة زي دنيا سمير غانم لا تقارن بحد انا مش حد خالص انا من فانز دنيا سمير غانم لان لو اتحطينا في مقارنة من المؤكد اني انا اللي هبقى خسرانة"

وأضافت "الثانية بعد توفيق ربنا ان فنان زي احمد مكي يدي مساحة لحد يقول حاجة مبتحصلش من اي فنان موجود عالساحة.. الراجل ده عنده اللي يكفيه وزيادة انه يسيب فنان قدامه يقول وهو سايب ايده، مهما اتكلمت عنه مش هوفيه حقه فنيا ولا انسانيا

وعن المخرج أحمد الجندي قالت "المبدع احمد الجندي ميتخيرش عنه يسيبك تقول ويعليك ويركبلك شغل ..وذكي يعرف يطلع ضحك من اي شخصية ويحطها في مكانها الصح"

طالع ايضًا: هل تتفوق "مربوحة" على "هدية" … هكذا استقبلها جمهور "الكبير أوي 6"

وتابعت "الثالثة.. ليك انت يا حبيب قلبي..اخويا الكبير الداعم المستمر بكل الطرق...صادق في فرحته ..انا مهما حكيت عاللي عملته معايا عشان اوصل اني ابقا في عمل من أهم الأعمال في رمضان مش هكفي فيك كلام....شكرا أحمد أمين الاخ والفنان والإنسان انك دايما جنبي"
وأضافت "احمد امين، احمد مكي، احمد الجندي، انتو مكسب لاي فنان ولاي شخص وبشكر ربنا دايما ان ربنا كتبلي اني اعرفكو"

واختتمت كلامها "وشكرا لاي حد دعمني حتي لو بكلمة كويسة وبالاخص صلاح الدالي..فنان هياخد حقه كويس جدا ويستاهل اكتر بحبك يا صلوحة، شكرا لاي حد وقف جنبي واللي اداني ضهره وربنا لاوريك"

يذكر أن رحمة أحمد جسدت شخصية "مربوحة" في مسلسل "الكبير اوي" الجزء السادس وحصلت على إشادات جماهيرية

اقرأ ايضًا:

فعلها أخيرا .. محمد رمضان يبكي بعين واحده في "المشوار"

سهام جلال : ندمت إني كلمت أمير كرارة علشان أطلب دور

إيميليا كلارك تنشر كوميك "في رمضان؟" .. هل هو حسابها الرسمي؟

"ايه المجتمع دة؟" .. قفشات الأفلام تستمر في الحلقة الخامسة من "سوتس بالعربي"

لا يفوتك- 14 نجما غابوا عن دراما رمضان 2022 بعضهم اهتم بالسينما وآخرون غيبهم الموت