هشام المليجي يتراجع عن هجومه على رانيا شاهين: متضايق من نفسي جدا

محمد سلطان محمود | فى حياة المشاهير

هشام المليجي

الأحد , 6 مارس 2022 - 19:04

أنهى الفنان هشام المليجي خلافه مع زميلته رانيا شاهين، بعد توجيهه الانتقادات لها عبر مواقع التواصل الاجتماعي.

نرشح لك- نشيد "السوكومنص" وجريمة قتل غامضة ... ملاحظات على الحلقة الأولى والثانية من مسلسل "منورة بأهلها"

ونشر هشام المليجي اعتذاره لرانيا شاهين عبر Facebook، مبررا ما حدث بسوء التفاهم وانفعاله أثناء كتابة رده على محاولتها في مساعدته للمشاركة في أعمال فنية جديدة.

وكتب المليجي: " انا مضايق من نفسي جدا لاني كنت عنيف مع زميلتي اللي كانت عاوزه تساعدني وغلطت في الاسلوب ومش عارف أعمل أيه".

وتابع موضحا: "أخواتي وأقرب الناس ليا ميعرفوش دواخلي ولا حياتي الشخصية، وأنا مطلبتش منهم مساعده لأنهم أولي الناس بمساعدتي ده لو كان عندي أزمة".

وأضاف هشام المليجي: "عشان كده أنا انفعلت ومكنش المفروض أكتب وأنا غضبان، متزعليش مني يارانيا وحقك عليا. أنتِ عارفه أنك غاليه عندي وطول عمرنا جدعان مع بعض وأنا بعتذرلك قدام الناس كلها".

من جانبها ردت رانيا شاهين على اعتذار هشام المليجي لها، وكتبت: " يا عم هشام ينفع الكحرتة دي الي كحرتهالي وأنت عارفني؟".

وتابعت: "أحنا أخوات وجيران وأصدقاء وأنا كمان أسفة كان المفروض اسألك الأول. حصل خير وانبسط …وربنا يوفقك ويكتبلك كل خير".

وكان الخلاف بين هشام المليجي ورانيا شاهين بدأ بعد كتابة الأخيرة عبر مواقع التواصل الاجتماعي عن ضرورة قيام المخرجين بمنح المليجي أدوار في أعمالهم وكتبت: " "الراجل ده جاري في العمارة الي جنبي ومتربيين مع بعض.. مش بيشتغل وهو ممثل ممتاز.. ومكافح وعنده اكتئاب وبيرفض انه يكلم حد ع شغل علشان هو حساس …تحية ليك ياجاري العزيز الصابر الصامت صاحب عزه النفس".
وبعدها حاول هشام المليجي تبرير الموقف وأكد أنه لم يطلب مساعدة رانيا شاهين، قبل أن يعود لمهاجمتها وطلب عدم تدخلها في حياته، كاتبا: "يا أستاذة رانيا حضرتك تطوعتي وتدخلتي في حياتي من غير إذن .. وقلتي كلام مش حقيقي .. محدش طلب منك المساعدة .. وحضرتك مصممة تزعجيني .. من فضلك متجبيش سيرتي تاني في أي حوار أو مداخلة .. شكرا".

‎ ‎صورة‎ ‎