كلمات أغنية ويجز الجديدة "البخت"

نهال ناصر | فى موسيقى وحفلات

أغنية البخت

الأحد , 27 فبراير 2022 - 15:30 | اخر تحديث: الأحد , 27 فبراير 2022 - 15:30

خلال ساعات قليلة تصدر مطرب الراب ويجز "التريند" بأغنيته الجديدة "البخت"، وتجاوزت مشاهدتها عبر قناته على YouTube أكثر من مليون مشاهدة في أقل من 24 ساعة.

وفي الأغنية يقدم ويجز نفسه بشكل مختلف، ظهر الحبيب المكسور الذي يشكي حاله بعد هجر حبيبته له.

نرشح لك: الجمهور يتعاطف مع ويجز بسبب أغنية "البخت" ... ما علاقة هدى المفتي؟

وربط الجمهور بين حالة ويجز العاطفة وبين الفنانة هدى المفتي، وقالوا إنها المقصودة بالحبيبة التي يوجه لها كلامه، بعد مشاركتهما معا في مسلسل "بيمبو" وظهورها معه في الكواليس وحضورها لواحدة من حفلاته.

وفيما يلي نستعرض كلمات الأغنية:

عيني منها بشكل جدي
وتقيلة مش تقلانه اتبخر سحري
ومش باجي على بالها ومفكرتشي
أنا بالي فيها بابا بالي مش ملكي

بلعب البخت سألتها ورفضتني
استغربتها أمال فين هيبتي
حبيبي أنا بضحك على خيبتي
ياخي كنت على الثبات وهزتني
واللي فات دا كان سحري
مش باجي على بالها إن جات سيرتي
أنا بالي معاها مش ملكي

قالت كلام قبل ما تشوفني
أنا عارفني صعب ومش مفهوم
كلامي دبش أو مش موزون
أو بتحب حد والبال مشغول

مشوفتوهاش ولا حد يلومني
ملاك بريء ولا أنا مخدوع
هي توتر ولا أنا مهزوز
طب أذاها حد والكل مرفوض

ولا إيه القصة حبيبي فيدني
واللي أذوك ياما حبيبي سيبني
أخلي الجاي ورود وشموع
يتغنالها وبصوت مسموع

ولا إيه القصة حبيبي فيدني
واللي أذوك ياما حبيبي سيبني
انسيك ماضي كله دموع
ولا مقدرش أسيبك موجوع

سحرتني ولا سحرتلي
وعيون مش محتاجه تسحرلي
مش عايزة تجيبني بس جابتني
ونسيتني وفي قصتي حبستني

والله ووقعت بفكر فيك كتير بالي عليك مشغول
وأنا بتصعب عليا حالي وأنا بكتبلك كلام معسول
بعيد عن عيني ويا عيني مع غيري ومش مبسوط
دا أنا أضيع عمري يا عمري وأحبك حب مش مشروط

لا تلاقي عندي وعود كدابة
وكبرت على ولا شيء مضمون
كلامي على قد اللي معايا
وفي الحب مستناش مردود
براحة على قلبي المكسور
اللي مشكلته أنه فيك مسحول
مين اختار اللي عينيك عملوه
وده مش ذنبي أنا صحيت محطوط

ولا إيه القصة حبيبي فيدني
واللي أذوك ياما حبيبي سيبني
أخلي الجاي ورود وشموع
يتغنالها وبصوت مسموع

ولا إيه القصة حبيبي فيدني
واللي أذوك ياما حبيبي سيبني
انسيك ماضي كله دموع
ولا مقدرش أسيبك موجوع

ويتواجد اسم هدى المفتي ضمن قائمة الأكثر رواجا عبر موقع Twitter مع تعليقات من الجمهور أنها المقصودة في أغنية ويجز الجديدة.

و"بيمبو" من أعمال منصة شاهد VIP الأصلية، إنتاج شركة دائرة ميم الإبداعية وشركة فيلم فاكتوري، بطولة أحمد مالك، ويجز وهدى المفتي، وأيضا عدد كبير من ضيوف الشرف والوجوه الجديدة، تأليف محمد أديب ومعه عدد من الكتاب الشباب، وتشارك في الإخراج عمرو سلامة وعمر رشدي في إخراج حلقات من المسلسل.

لا يفوتك: ماذا قال عمك البات عن تراك الموسم لتميم يونس .. معاني وموسيقى وتصوير وهل قدر فعلا يدس مقدمي الراب؟؟