اللي يمد ايده على ست يبقى لا مؤاخذة..الفنانون غاضبون من واقعة عروس الإسماعيلية

مروة لبيب | فى حياة المشاهير

فنانات يدعمن عروس الإسماعيلية

السبت , 19 فبراير 2022 - 14:02 | اخر تحديث: السبت , 19 فبراير 2022 - 14:02

أثارت واقعة عروس الإسماعيلية التي تعدى زوجها عليها بالضرب يوم زفافها جدلا واسعا وأثار استياء العديد من مشاهير الفن ممن اتخذوا من مواقع التواصل الاجتماعي منصة لهم للتعبير عن رفضهم لتلك الواقعة.

بين رفض لواقعة الضرب والاستياء من إتمام الزيجة والعودة لمنزل الزوجية جاءت ردود فعل المشاهير على الفيديو المنتشر في الآونة الأخيرة.

نرشح لك: بسبب حديث إبراهيم عيسى عن "المعراج".. مصطفى درويش ينسحب من فيلم "الملحد"

وفي مقدمتهم الفنانة رانيا يوسف التي قالت في منشور لها على Instagram، "لو الأهل بيحترموا ولادهم ومش بيضربوهم، مستحيل ولادهم يتقبلوا الضرب من حد تانى ويشوفوه شيء عادي".

وتابعت رانيا يوسف "المجتمع اللى بيلوم الستات طول الوقت، هو اللى بيخوّف الستات تطلق".

بينما علقت الفنانة سمية الخشاب على الواقعة في 3 تغريدات لها عبر Twitter، قالت في إحداها "اي راجل همجي جاهل لازم يعرف انه احترامه للانثي من احترامه لنفسه، يا اما بقي يروح يعيش مع الحيوانات ويطبق قانون الغابه وساعتها يبقي علي الرجوله والانسانيه السلام... سلام يا "راجل".

وقالت سمية الخشاب في أخرى "المفروض يبقي في ماده تتدرس في المدارس والجامعات خصوصا للبنات اسمها " كيفيه الدفاع عن النفس" وتكون بتعلم الناس وخصوصا البنات ازاي يدافعوا عن نفسهم قدام الحيوانات البشريه اللي كترو اوي اليومين دول".

واختتمت بتغريدة أخرى جاء فيها "انا زهقت اوي! مجتمع ذكوري بحت واهانه المرأه بقت حاجه عاديه ويمكن تكون حق مكتسب كمان للراجل واحنا مش واخدين بالنا... والمفروض انها تسكت وتداري وتعدي عشان كلام الناس والفضايح والمجتمع اللي مبيسبش حد فحاله والذي منه، الفاتحه علي الجهل والتخلف والـ"لا انسانيه".

وعبرت المخرجة هالة خليل عن استيائها من عودة العروس لعريسها الذي تعدى عليها بالضرب ومشهد استعراض العشاء والحمام المحشي ووصفته بالمقزز وقالت "شهد أكل الحمام ده مشهد مقزز.. كل الرجالة بتستعرض بوقاحة قدام الكاميرا وامرأة وحيدة محاطة بذراع وحش وعلى وجهها ابتسامة بلاستيكية تراقب المشهد في صمت ولم يطلب منها أحد أن تعبر عن نفسها ولو بجملة وحيدة.. أنا لو بخرج مشهد ذكوري فج مش هييجي على بالي المستوى ده".

من جانبها دعت ريهام سعيد عروس الإسماعيلية إلى عدم إتمام زيجتها ووجهت لها رسالة جاء فيها "ممكن تبقي يتيمة ومالكيش حد وممكن يبقى في حد بس ملوش لازمة، لأنك تكملي الجوازه دي يبقي مالكيش حد فعلا".

وتابعت ريهام سعيد "اوعي تغلطي غلطتي وتكملي في حاجة غلط من الأول، أنا حياتي بقت صعبة أوي بسبب قرار واحد غلط أخدته، عارفة ممكن يكون قالك إيه، بس إللي ما يحافظش على كرامتك يبقى مش بيحبك، إللي يرضى إنه يكسر بخاطرك في ليلة عمرك يبقى مش بيحس ولا بني آدم"، مضيفة "غلطتي وأتمنى تصلحي غلطتك ليكي رب اسمه الكريم عارفة الكلام عن الستر وبيتك وجوزك وإن مالكيش حد والفضيحة وماينفعش تطلقي بعد يوم من الجواز كل ده أي كلام، اشتري نفسك وحياتك الناس مش هاتنفعك ربنا فضحه لحكمة عنده، أي ست خايفة وبتكمل حياة كلها مهانة وذل عشان مالهاش حد وخايفة من كلام الناس بقولك خلي عندك إيمان في اللي خلقك ربنا عمره ما هايسيبك".

وواصلت ريهام سعيد "غلطتي غلطة عمرك إنك كملتي وهايبقي غلط أكبر لو استمريتي. هايضربك تاني وتالت ورابع وهايضربك قدام عيالك، ليه؟ عشان الحب؟ فين هو ده؟ ساعات في قرارات بتبقي صعبة أوي الواحد ياخدها بس لو نجح إنه ياخدها ويتحدي الناس والخوف هايشتري حياته إللي هايعيشها مرة واحدة بس".

واختتمت ريهام سعيد "إنتي مش لوحدك مصر كلها معاكي والقانون في ضهرك والله إنتي دلوقتي مش لوحدك، من خلال فيديو خلى ملايين معاكي وفي ضهرك هايدعموكي ويحموكي لو حد يعرفها يوصل لها البوست لازم ننقذها، وننقذ أي حد بيفرط في كرامته وحياته عشان خايف. على فكرة عينيكي في الصورة كلها كسرة وحسرة وإجبار مهما قلتي عينيكي بتتكلم".

من جانبها عبرت الإعلامية مفيدة شيحة هي الأخرى عن استيائها من عودة العروس لزوجها الذي تعدى عليها بالضرب وقالت "أول مرة أعلق على حاجة بس اسمحيلي أيتها العروسة الجميلة اللي إنتي عملتيه ده أكبر غلطة في حياتك".

ولم تكن مفيدة شيحة هي الإعلامية الوحيدة الرافضة لعودة العروس بل عبرت الإعلامية سهير جودة عن استيائها أيضا وقالت "الواقعة تدل على أن جزءا من المجتمع يعتبر العنف والضرب شيئا عاديا".

وأضافت سهير جودة "واضح أن الثقافة بتختلف من مكان لمكان، وأن في عرف سطوته أكبر بدليل أن حصل الصلح، واللي حصل غير مقبول والصلح مش دايمًا خير، والبنت اتكسرت روحها".

علق الفنان محمد علي رزق على واقعة الإسماعيلية، خاصة بعدما كشف العريس أن ذلك الأمر طبيعي لدى أهل الصعيد.

واستنكر محمد علي رزق، تصريحات عريس الإسماعيلية، وكتب في منشور عبر Facebook "لا والله يا عبد الله، عندنا في البندر الرجالة مش لتمد ايديها على الستات.. علشان أهلنا ربونا إن اللي يمد ايده على ست يبقى لا مؤاخذة، وأنت سيد العارفين يا عُبد.

وكان مستخدمو مواقع التواصل الاجتماعي تداولوا مقطع فيديو يرصد واقعة مؤسفة بشارع السلطان حسين بالإسماعيلية، حيث أقدم شاب يوم زفافه على ضرب عروسه أمام المارة، وأخذ يوجه لها اللكمات والصفعات دون النظر إلى أى اعتبارات أخلاقية أو عائلية.

تفاصيل الواقعة بدأت حين ذهب عريس لأخذ عروسته من أحد مراكز التجميل بشارع السلطان حسين بمدينة الإسماعيلية، وإذ يفاجأ بشقيقته تبلغه أن العروس تحدثت معها بصوت مرتفع أمام الناس، مما جعله يستشيط غضبًا، ويعتدى بالضرب على العروس، ويحاول حملها داخل سيارة الزفاف عنوة، وذهبت العروس لقسم أول الإسماعيلية وأبلغت قوة القسم أنها لا تريد الذهاب لبيت الزوجية.

لا يفوتك: تحليل النغمات مع عمك البات- تقييم ألبوم تامر عاشور "تيجي نتراهن"

اقرأ أيضا:

مشادة بين متسابقة في "الدوم" ولميس الحديدي : أنا فاهمة اللي بقوله (فيديو)

من مفيد فوزي إلى "عريس الإسماعيلية" .. 4 مواقف أثارت الجدل حول ياسمين عز

كريم الحسيني يبيع المشروبات الساخنة على عربة: الشغل مش عيب (فيديو)

بعد دفاعها عن "عريس الإسماعيلية".. مطالبات بالتحقيق مع الإعلامية ياسمين عز

حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC