حمو بيكا: حسن شاكوش لن يكرر غلطته وأتمنى أن يسامحه هاني شاكر

محمد سليم | فى موسيقى وحفلات

حمو بيكا

الاثنين , 31 يناير 2022 - 23:23 | اخر تحديث: الاثنين , 31 يناير 2022 - 23:23

كشف مؤدي المهرجانات حمو بيكا أنه قام بمسح منشور هاجم فيه المطرب عمر كمال بعد نصيحة تلقاها من زميله حسن شاكوش.

وقال حمو بيكا خلال استضافته في برنامج "مصر جديدة" الذي تقدمه الإعلامية إنجي أنور عبر قناة ETC: "حسن شاكوش أخويا وهو الذي طلب مني مسح المنشور، فقلت له خسارة العيش والملح ومسحته، وأنا سامحت حسن شاكوش ولم أشعر بالغيرة منه."

نرشح لك - "جامدين ومفيش إلا إحنا"... احتفالات عمر كمال وحسن شاكوش في الإمارات بفوز منتخب مصر (فيديو)

‎ ‎صورة‎ ‎

وردا على سؤال هل ما قام به حسن شاكوش على المسرح مقبول؟ أجاب: "كلنا نرتكب أخطاء، ورضا البحراوي أيضا غلط على المسرح وسامحوه وقام بتقديم حفلات."

‎ ‎صورة‎ ‎

وأضاف: "ربنا غفور رحيم وأتمنى الفنان هاني شاكر يسامح حسن شاكوش وهو أخطأ ولن يكرر غلطه."

‎ ‎صورة‎ ‎

كان حمو بيكا قد هاجم عمر كمال في بث مباشر له عبر حسابه على موقع التواصل الاجتماعي Instagram قال فيه: "أنا اتصلت بعمر كمال فوق الـ7 مرات ومردش عليا، وبقى يشوف نفسه على الناس وأنا مش الناس، لأني كنت أول واحد يا عمر عملتلك أغنية والناس سمعتها يعني ربنا ثم أنا".

وأضاف: "وعايز أقولك وريني هتنجح بنفسك ازاي ومتخليش حد ينجحك وعايز أشوف مهاراتك، واشوف شغلك، وعايزك لما تقابلني في حته السلام بتاع ربنا متقولهوش، عشان كل الناس عارفة أنت أيه، وكل الناس برا أو جوا المجال عارفين أنت أيه".

وتابع حمو بيكا: "يا خسارة العيش والملح اللي اكلتوا معاك، أنتوا ميمشيش معاكوا الإنسان الطيب، ومتفكرش لما تنشر الأغنية دي أنها هتروح، أنا ممكن أخش امسحها دلوقتي ولا يهمني.. يا صاحب مزيف".

من ناحية أخرى، كشف حمو بيكا لأول مرة عن اسمه الحقيقي محمد محمود، مؤكدا أنه لا يمانع في التخلي عن اسم الشهرة "بيكا" في سبيل دخول نقابة المهن الموسيقية.

جاء ذلك تعليقا على ما تردد عن إصدار نقابة المهن الموسيقية مجموعة جديدة من الشروط لقبول مطربي المهرجانات في النقابة، وهو ما نفاه وكيل أول النقابة محمد أبو اليزيد خلال مداخلة مع برنامج "الحكاية" من تقديم الإعلامي عمرو أديب.

لا يفوتك- فنانات تألقن وأخريات بإطلالات غير موفقة .. الأفضل والأسوأ في إطلالات حفل توزيع جوائز Joy Awards