منة عرفة: بقيت أحلم بمايان السيد وأنا نايمة

FilFan | فى سينما وتلفزيون

منة عرفة ومايان السيد

الخميس , 16 ديسمبر 2021 - 02:12 | اخر تحديث: الخميس , 16 ديسمبر 2021 - 02:12

كشفت الفنانة منة عرفة عن أن صداقتها بالفنانة مايان السيد تطورت خلال مشاركتهما في بطولة حكاية "حلم حياتي" من مسلسل "إلا أنا".

‎

وفي مقابلة مع برنامج The Insider بالعربي، قالت منة عرفة: "أنا ومايان قبل كده مكناش أصحاب خالص، بس كنا عاملين لبعض فولو على السوشيال ميديا. أنا بحبها قوي وبحب شخصيتها وجمالها وروحها، وهي كمان كانت متابعاني، فكنا قريبين من بعض شوية."

وأضافت: "والله إحنا بجد إتعلقنا ببعض بسبب الدور، بقيت أروح البيت أقعد أفكر فيها، وساعات وأنا نايمة بحلم بيها، من كتر ما أنا متعلقة بالدور والشخصية."

‎

وتقدم منة عرفة في حكاية "حلم حياتي" دور "مروة"، الصديقة المقربة من "خديجة" (مايان السيد)، والداعمة لها في كل المواقف.

وعبرت منة عرفة عن حبها لشخصية مروة قائلة: "أنا الصاحبة الجدعة اللي بتحبها قوي، أعتقد بعد الدور ده هاخد جايزة أفضل بست فريند في العالم."

‎‎

وأضافت: "نفسي في صاحبة زي مروة فعلا، صاحبة تحبني قوي وتخاف عليا، ومتطيقش حد يقول عليا كلمة، أو إن حد يجرحني بكلمة أو بنظرة، لإن مروة تفاصيلها مع خديجة تفاصيل رهيبة. ده رغم إن مروة بنت عندها مشاكل كتيرة جدا مع أهلها، وبنت مش سعيدة في حياتها وعندها معاناة، غير معاناتها مع اللي بيحصل مع صاحبتها."

وتدور أحداث حكاية "حلم حياتي" حول خديجة، الفتاة التي تعاني من التوحد وتحلم باحتراف التمثيل، ولكنها تواجه صعوبات في تحقيق حلمها.

وحكاية "حلم حياتي" من بطولة مايان السيد، منة عرفة، تيام قمر، يوسف عثمان، مروة أنور، قصة يسري الفخراني، وتأليف يوسف وجيه، وإخراج ياسمين أحمد كامل.

ويعرض المسلسل في تمام الساعة 8 مساء على dmc، و11 مساء على dmc دراما.

لا يفوتك: سلمى أبو ضيف: بحب الشغل "الدارك" والغطس في "المشهد الاخير" كان غلس ودي آخر حاجة متهورة عملتها

اقرأ أيضا:

أوس أوس ينضم لفيلم أحمد فهمي "مستر إكس"

مايان السيد عن دورها في "حلم حياتي" : حبيت أوصل رسالة إن التوحد حاجة جميلة

منة عرفة: بعد "حلم حياتي" هاخد جايزة أفضل "بست فريند"

بيلي أيليش: مشاهدتي للأفلام الإباحية في عمر 11 عاما دمرت عقلي تماما

حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC