مش عارف ليه لعبنا كورة..إيهاب توفيق يعلق على كليب "داني"

FilFan | فى سينما وتلفزيون

إيهاب توفيق

الأربعاء , 15 ديسمبر 2021 - 22:12 | اخر تحديث: الأربعاء , 15 ديسمبر 2021 - 23:12

كشف المطرب إيهاب توفيق، خلال استضافته في برنامج "سهرانين" الذي يقدمه الفنان أمير كرارة عبر قناة ON، كواليس تصوير أغنية "داني"، التي ظهرت في ألبوم "لقاء النجوم 1".

أوضح إيهاب توفيق أن الأغنية حققت نجاحا كبيرا وقت صدورها لكن لم يكن أحد يعرف أنه هو الذي يغني الأغنية.

سر فيديو كليب النجم #إهاب_توفيق اللي ابهر الجميع 😂
اتفرج على برنامج #سهرانين حصريًا على #WATCHiT
من هنا https://t.co/FkcbkJG47h pic.twitter.com/k3sbb3ACHG
— WATCH iT! (@WatchiTMENA) December 15, 2021

وقال إيهاب توفيق: "سجلناها راحت مكسرة الدنيا، ومحدش عارف إني أنا اللي بغني الأغنية. وقتها كان الشريط عليه اسم الشركة واسم الألبوم، وحميد الشاعري، وحنان، وعلاء عبد الخالق، ومصطفى قمر وأنا، واللوجو بتاع الشركة، كل ده على شريط أصغر من الكف، فصورتي طبعا طالعة حاجة صغيرة جدا. بقيت ماشي سامع الأغنية في كل مكان ومحدش عارفني."

‎ ‎صورة‎ ‎

وردا على سؤال عن سبب لعبهم كرة القدم في كليب الأغنية، قال: "مكانتش موضة ولا حاجة الموضوع كان كوميدي جدا. كان المفروض مفيش حاجة تخلي الأغنية تتذاع في التليفزيون غير لازم تصورها، ولا كان في فيديو كليب ولا حاجة. كنا بناخد معاد معين ونروح نستنى مخرج التليفزيون بالدور."

وأضاف: "الحل الوحيد إن التليفزيون ياخد المطربين كلهم الموجودين وقتها، ونروح مثلا حديقة الأندلس أو نادي الشمس وكله يصور هناك، ويمكن جنب نفس الشجرة، وشوية يلعبوا كرة قدة وشوية يلعبوا طايرة، هو ده اللي كان متاح عشان الأغنية تتذاع في البرنامج اللي كان بيتعرض كل أسبوع."

وتابع: "إتصورت الأغنية بالشكل ده، وكانت فرحة شديدة جدا إن إحنا طلعنا في التليفزيون، على الأقل يشوفوا شكلي وسط اللي بيلعبوا كورة."

لا يفوتك: سلمى أبو ضيف: بحب الشغل "الدارك" والغطس في "المشهد الاخير" كان غلس ودي آخر حاجة متهورة عملتها