الملخص - ياسمين عبد العزيز في "معكم": اتعقدت من جملة "وحش الكون" وحضن "العوضي" جابلي الكافية

محمد أحمد | فى حياة المشاهير

ياسمين عبد العزيز

الخميس , 9 ديسمبر 2021 - 11:29 | اخر تحديث: الخميس , 9 ديسمبر 2021 - 11:35

حلت الفنانة ياسمين عبد العزيز ضيفة على الإعلامية منى الشاذلي ببرنامج "معكم" على قناة "cbc"، في أول ظهور لها بعد محنة مرضها وعلاجها في الخارج.

ويرصد موقع FilFan.com ملخص تصريحات ياسمين عبد العزيز والأسرار والكواليس التي روتها للمرة الأولى في السطور التالية:

نرشح لك: وقف عرض الفيلم حتى يشاهده الأسرى الفلسطينيين .. أول رد من محمد دياب على حملات مقاطعة "أميرة"

- كنت داخلة أعمل عملية عند دكتور النسا اللي ولدني في بنتي فأنا عندي أكياس من وأنا عندي 16 سنة وهي منتشرة عند بنات كتير.

- عملت العملية دي حوالي 5 مرات وكنت بدخل أعمل العملية ومحدش يعرف حاجة عني وأعود لشغلي عادي فأنا تأقلمت على الأكياس والالام بتاعتها بقت صاحبتي وأعيش وأتعايش معها.

- رحت للدكتور قولتله عاوز أعمل العملية بعد مسلسل (اللي مالوش كبير) ومن قتها مشفتش يوم انبساط وجالي مرتين كورونا ففي شهرين أجريت 4 عمليات منهم عمليتين في يوم واحد وبعدها دخلت في أزمتي الصحية..

- بعد خروجي من العملية شعرت بألم رهيب وكنت بقولهم (أنا بموت) وخرجت من العملية مش فاكرة حاجة بسبب المخدر والمسكنات التي حصلت عليها بسبب الآلام التي أشعر بها انا ست مش بدلع وحمولة لما بكون بتوجع بيكون إحساس حقيقي.

- بعدها بكام يوم قالولي لو معملتش العملية كمان ساعة هتموتي والقولون اتخرم وجالي تسمم في الدم وعملولي العملية والدكتور عصام شلباية أنقذ حياتي قالي انا داخل اعمل العملية والدنيا بايظة خالص وعارف أن الموضوع كان صعب جدا.

- بعد ما القولون بتاعي اتخرم وقالولي لو معملتيش العملية كمان ساعة هموت كنت حاسة إني مش هطلع من العملية وقولت لاخويا الكبير (خلي بالك من ياسمين وسيف) لاني فعلا حسيت اني داخلة مش طالعة.

- طلعوني من العملية على العناية المركزة وكان راكب خراطيم في انفي وفمي وبطني وكالونات في رقبتي وجلست في العناية المركزة 5 أيام واللي بيدخولولي كانوا حاسين اني خلاص والدكاترة قالوا ادعولها دي بتعيش اليوم بيومه.

- أنا في العناية المركزة دخلت على جهاز اللي بيدخل عليه 100 حالة بيعيش 10 منهم فقط وقالوا هي اتحطت على جهاز اللي بيدخل فيه مبيطلعش فمنذ بداية العملية لاخرها أنا في غيبوبة.

- جالي وقت وانا في العناية المركزة شعرت إني خلاص وقولتلهم مش قادرة أكمل بسبب الالام والتعب وقولتلهم شيلوا كل حاجة انا خلاص هبقى مرتاحة اني اروح لربنا.

- الموضوع كان صعب وكنت حاسة إن بكرة مش هبقى موجودة وروحي بتتسحب، وأول مرة أحس بشعور إني خلاص هموت.

- أحمد العوضي أما نزل بوست مرضي الناس دعيتلي ويوم عرفة كان فارقًا لي والناس كلها دعيتلي وكأن الدعاء كله كان من نصيبي، واتحسنت حالتي ونيفين صاحبتي قالتلي وأنا في العناية المركزة هدعيلك.

- بعد يوم عرفة طلعت من العناية المركزة في غرفة عادية وردت فيا الروح، من واحدة كنت بموت لواحدة سخر ربنا الناس كلها تدعيلي.

- الأزمة الصحية التي تعرضت لها خسرت بسببها 15 كليو وكان تحت عيني أسود كأني واحدة تانية في المستشفى.

- بعد ما عملت العملية طلعت الغرفة وبدأت أتكلم وأستعيد وعيي، ببص لقيت معدتني والأمعاء برا وسألت إيه ده قالولي إن ده كان لازم يحصل بسبب التسمم.

- أنا مبخافش من الموت بالعكس هو أحسن من الحياة اللى بنعيشها دلوقتي.. بس كل اللي شاغلني ولادي.. وأنا بحس إنى خلاص هموت، نسيت كل اللي حواليا وفكرت إنى رايحة لربنا لوحدي.

- تعرضت لعديد من الشائعات خلال فترة مرضي، منها الوفاة وطلاقي من أحمد العوضي وخضوعي لعمليات تجميل.

- في سويسرا عملت العملية الرابعة دخلوا الأمعاء جوا بطني، وبعد 3 شهور من مرضي مسكت التليفون وبدأت أبص على كلام الناس.

- محبتش حد يشوفني وأنا تعبانة وشكلي تعبان ومشفتش نفسي وأنا تعبانة في المراية ورافضة أتصور معاهم، مرضيتش أنزل من سويسرا بعد ما خلصت إلا وأنا ياسمين وماشية ياسمين وقوية وقولت عندي أولاد ولازم أكمل.

-اتعقدت من جملة "وحش الكون" وحضن العوضي اللي جابلي الكافية.

- كنا بنصور مشهد حضن أحمد العوضي في مسلسل "اللي مالوش كبير" في مكان فيه ناس كتير وأنا مكسوفة والناس بعد كل الحضن كانت مبسوطة في الشارع.

- مسلسل "ونحب تاني ليه" نجح وشخصية "غالية" قريبة من الناس.

لو فاتك: #شرطة_الموضة: الإطلالات الأجمل والأسوأ في ختام #مهرجان_القاهرة_السينمائي في دورته الـ 43

اقرأ أيضا:

صبا مبارك تختار القصير وليلى علوي بإطلالة مميزة ... النجمات في ثاني أيام البحر الأحمر السينمائي

إيمي سمير غانم تنشر صورة مع والدها الراحل: بحبك لآخر يوم في عمري

#شرطة_الموضة: الفرق بين الصورتين 14 شهرا.. كيف أعادت إيناس الدغيدي تنسيق بلوزتها الفضية الشهيرة؟

حمدي الميرغني ضيف شرف "الكبير أوي" الجزء السادس

حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC