محامية فاتن موسى: مصطفى فهمي وعدها بالإنجاب وطلقها رجعيا

FilFan | فى سينما وتلفزيون

مصطفى فهمي وفاتن موسى

الاثنين , 6 ديسمبر 2021 - 03:43 | اخر تحديث: الاثنين , 6 ديسمبر 2021 - 03:43

نفت المحامية إيناس فوزي، محامية الإعلامية اللبنانية فاتن موسى، قيام موكلتها بكسر أقفال شقة الزوجية الخاصة بها وبطليقها، الفنان مصطفى فهمي، موضحة أنه وعدها بالإنجاب.

وشرحت المحامية أن العلاقة بين مصطفى فهمي وبين فاتن موسى استمرت علاقة طيبة بالرغم من المماطلة في تلبية رغبتها في الإنجاب، وهو ما تدل عليه صورهما معا ورحلاتهما إلى تركيا وكرواتيا.

وخلال مداخلة هاتفية مع الإعلامي عمرو أديب ببرنامج "الحكاية" المذاع عبر قناة MBC مصر، ردت محامية فاتن موسى على ما جاء في مداخلة سابقة مع البرنامج لمحامية مصطفى فهمي، ونرصد تصريحاتها في السطور التالية:

- زواج فاتن موسى من الفنان مصطفى فهمي كان بسبب لقاء نجومي في دبي أثناء عملها كإعلامية وهو أقر بذلك في برنامج "صاحبة السعادة" مع الأستاذة إسعاد يونس

‎

- السيدة فاتن موسى من مواليد الثمانينيات ومن حقها الإنجاب، والأستاذ مصطفى فهمي وعدها بحقها في الإنجاب كونه أول زواج لها ولم يكن لها أولاد

- المماطلة في طلب الإنجاب ابتدى يزعجها، لكن فضلت العلاقة طيبة وفوق الممتازة

- كانوا المفروض يسافروا مع بعض يوم 18 أكتوبر لحضور خطوبة أختها يوم 21 أكتوبر، وقال لها أنا خايف من الأحداث في لبنان فبلاش أسافر معاكي عشان عندي تصوير

‎

- يوم 27 أكتوبر وصلتها مكالمة من الأستاذة سناء محاميته بتقول احتمال يكون الطلاق وقع، وطلع كان في ترتيب يحصل الغدر وهي مسافرة

- يوم 30 أكتوبر رجعت مصر مصدومة من الكلام عن الطلاق على السوشيال ميديا، ونزلت في أوتيل واتصلت بمصطفى فهمي عايزة تعرف إيه المشكلة، وهي مطلقة أو متجوزة، وفضل 10 أيام لا يرد على التليفون أو الرسائل أو الوسطاء من أصدقائهم فبدأت تستعين بي

- نصحتها ارجعي بيتك وافتحي شقتك، دخلتي الشقة إنت زوجة، دخلتي الشقة مطلقة أنت بتقضي فترة عدتك زي ما بيقول القانون

- لما رجعت شقتها فتحت باب العمارة بمفتاحها، وفتحت باب الشقة بمفتاح، والنيابة عاينت وقالت مفيش أي كسر في الباب

- لما دخلت الشقة لم تجد أي شيء من حاجتها غير المنقولات الخاصة بالمطبخ، والحاجات الشخصية والذهب والمصوغات مش موجودة

- بلغنا النجدة ووصلت بعد 5 دقائق، وكان في زميل محامي بيقول هيتهمنا بالسرقة إذا اتهمناهم بالسرقة، ولما راح النيابة قال حاجتها عندي في 18 شنطة

- المفاجأة إن مصطفى فهمي تزوجها زواج شرعي على سنة الله ورسوله، وطلقها طلاق غيابي رجعي، يعني هي ما زالت زوجته وفي عدتها وممكن يرجعها بورقة

‎

- لو كان ناوي يديها حقوقها كان المفروض يطلقها طلاق بينونة كبرى، عشان تقدر تحصل على حقوقها، لكن حاليا الطلاق مش نهائي

- الزميلة المحامية بعتت إنذار تعالي استلمي 18 شنطة منعرفش فيهم شوية هدوم متلفة أو لأ، وإن استلامهم إبراء لذمة أستاذ مصطفى فهمي من حقوقها

- حقوقها الشرعية والقانونية مؤخر صداق قيمته نصف مليون حنيه، ونفقة عدة بنفس المستوى اللي هما فيه، ونفقة متعة

لا يفوتك: حلقة جديدة ومميزة من برنامج «تحليل النغمات مع عمك البات» عن فنانة الفنانة أنغام

اقرأ أيضا:

محامية مصطفى فهمي: طليقته لجأت لمتخصص في كسر الأقفال واقتحمت شقة الزوجية

حمو بيكا يستعرض مشواره منذ 14 سنة: طول عمري شقيان واشتغلت كل حاجة

صبا مبارك بصيحة "وان شولدر" على السجادة الحمراء لمهرجان القاهرة (صور)

حسن أبو الروس بشعر أبيض ونظارة في ختام القاهرة السينمائي

حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC