الملخص- شريف منير في "كلمة أخيرة": لو صلاح جاهين عايش كان هيحب ويجز.. المرأة العاملة لا تتواءم مع شخصيتي

مي جودة | فى حياة المشاهير

شريف منير

الثلاثاء , 23 نوفمبر 2021 - 11:08 | اخر تحديث: الثلاثاء , 23 نوفمبر 2021 - 11:39

حل الفنان شريف منير ضيفا على برنامج "كلمة أخيرة" الذي تقدمه الإعلامية لميس الحديدي عبر شاشة ON.

وخلال الحلقة قال شريف منير العديد من التصريحات عن جوانب جديدة من شخصيته، وفي السطور التالية نرصد لك أبرز تصريحاته:

- مسيرتي الفنية وضميري الفني تلاحقني في اختيار الأدوار.

- في ساعات ببقى مزنوق وعايز فلوس وعاوز اشتغل عشان المصاريف، وعندي أقساط والتزامات بس بلاقي نفسي مش قادر لازم أعمل اللي مقتنع به، حتى لو كانت شخصية مكررة بس لازم أكون حاببها وهعملها بشكل تاني.

- مشواري الفني مش بطال، لكن كان متعب، أعقبه الإحساس بالمتعة، وحطني في حتة أنه لازم أخد بالي من فكرة انتقاء الأعمال.

- غيابي عن الساحة لثلاث سنوات كان بسبب انتقائي للأعمال وأحمد رزق سألني: "هو إنت هتسيب التمثيل؟".

- سهير البابلي من أكتر الناس اللي كانت متحمسة لي وإدتني ثقة في نفسي، وعملت معها "بكيزة وزغلول" ومسرحية "نص أنا ونص إنتِ".

- عادل إمام قال لي إنت عندك قوة رفض وبتعرف تقول لا،وقرأني من أول وهلة.

- أحب ويجز، شاطر ومجتهد ولو صلاح جاهين كان عايش كان هيحبه.

- كل اللي بيعرف يغني وعنده طاقة غنائية يغني حتى لو صوته أجش.

- هاني شاكر لايقصد منع موسيقى أو خامة صوت لكن الكلام البذيء واعتقد الموضوع فيه لبس.

- أنا ضد منع المغنيين الي بيغنوا كويس لكن مع منع الكلام البذيء اللي ممكن يبوظ جيل.

- علاقتي بالسوشيال ميديا كارثية، وكنت برد الأول ودلوقتي بطلت.

- أسما بنتي شاطرة في السوشيال ميديا، وأحيانا بنتقد بعض صور ملابسها وبتشيلها لما أضايق.

- كرجل شرقي لا أقبل أن زوجتي تصرف علي، والمرأة التي تعمل "غالبا" لا تتواءم مع شخصيتي.

-أتناقش مع أبنائي في البداية.. ولكن ببقى ديكتاتور في الآخر