عمر كمال يهاجم مطربي المهرجانات: أنا مع هاني شاكر.. والشتايم بقت علني (فيديو)

محمد أحمد | فى موسيقى وحفلات

عمر كمال

السبت , 20 نوفمبر 2021 - 23:42 | اخر تحديث: السبت , 20 نوفمبر 2021 - 23:42

طرح الفنان عمر كمال، حلا لأزمة نقابة المهن الموسيقية مع مطربي المهرجانات.

وقال كمال، خلال مداخلة مع الدكتور معتز عبد الفتاح، مقدم برنامج "تحت الشمس" عبر قناة "الشمس": "أنا أولا نص أعمالي أغاني ونصها مهرجانات، وأنا عندي حل للخناقة دي كلها، قرار الأستاذ هاني شاكر فيه جزء كبير صح وأنا معاه قلبا وقالبا، لأنه بجد في ناس بتوع مهرجانات بيقولوا كلام مينفعش يتقال خالص، وأنا كعمر بتأذي منه، والفئة دي فعلا لازم تتمنع، أنا بقول ده إزاي يتقال، لأنها شتايم علني وعيني عينك، النوع ده لازم يتمنع".

نرشح لك: خاص عطل كهربائي ينهي حفل الجوكر على مسرح الزمالك قبل بدايته (صور وفيديو)

وأضاف: "لكن في نفس الوقت نقابتنا المحترمة بجد أجازت الراب، ومنحت الراب مساحة كبيرة جدا على المسارح وشرعية، وما شاء الله برضو بيعموا بلاوي أكتر من المهرجانات وشغالين، أغاني كتير جدا ليهم فيها خناقات برضو وشتائم وقلة أدب، ومع ذلك النقابة اعترفت به وعملتله شعبة، طيب ما إحنا نعمل شعبة مهرجانات ببساطة".

وتابع: "زي ما عمر كمال راح النقابة ومضى إقرار أنه أي أغنية هينزلها هتُجاز من الرقابة، ده يتعمم ونعمل شعبة للمهرجانات، لكن موضوع الأصوات ما هو برضو بتوع الراب مش أصوات، بتاع الراب مش بيدخل يمتحن في الأطلال وعمر الخيام يعني، ما هو بيدخل يغني راب، يبقى بتاع الراب يدخل يغني راب، وبتاع المهرجانات يدخل يغني مهرجانات، خلوا المهرجانات فن زي الراب".

وكانت نقابة المهن الموسيقية أعلنت أسماء الممنوعين من الغناء وشملت حمو بيكا وحسن شاكوش وكزبرة وحنجرة ومصطفي زكريا الشهير بمسلم وأبو ليلة وأحمد قاسم الشهير بـ"فيلو" وأحمد موزة وحمو طيخة وريشا كوستا وسمارة وشواحة وولاد سليم والعصابة والزعيم وعلاء فيفتى وفرقة الكعب العالى ومجدى شطة ووزة وشكل وعمرو حاحا.

كما أصدرت نقابة المهن الموسيقية قرارا بإيقاف الفنان حسن أبو الروس جاء قرار النقابة بسبب عدم امتثاله لقرارات النقابة وعدم التزامه بالمظهر العام والقواعد العامة الخاصة التي تفرضها النقابة.

وجاء في البيان الرسمي الذي أصدرته النقابة: "قررت نقابة المهن الموسيقية وقف الفنان الحسن المصطفى أحمد، والشهير بـ حسن أبو الروس، عن العمل اعتبارًا من اليوم 17 نوفمبر لعدم امتثاله لقرارات النقابة وعدم التزامه بالمظهر العام والقواعد العامة الخاصة بالنقابة.

لا يفوتك: أفضل 10 أغاني في صيف2021 - محمد رمضان يخسر القمة وحماقي في "المنطقة الدافئة" تعرف على مركز عمرو دياب