حمو بيكا يهاجم منتقديه: أنا جاهل بس اتعلمت احترم الكل

نادين يوسف | فى حياة المشاهير

حمو بيكا

الخميس , 19 أغسطس 2021 - 10:26 | اخر تحديث: الخميس , 19 أغسطس 2021 - 10:32

هاجم مؤدي المهرجانات منتقديه من خلال منشور له على صفحته بموقع التواصل الإجتماعي Facebook، حيث أوضح أنه يعاني من تنمر بعض الناس تجاهه بسبب عدم استكماله للتعليم وذلك عقب تهنئته لطلاب الثانوية العامة.

نرشح لك: 5 ملاحظات على أغنية محمد رمضان "على الله"... أبرزها عن سحر مرسى مطروح

قال بيكا "بتقولو عني جاهل ومش متعلم .. مع ان دي حاجة انا عمري ما أنكرتها ولا حتى خبيتها على الناس ومن يوم ما ربنا كرمني واشتهرت وبقى ليا جمهور بس هرجع واقولكم تانى انها حاجة مكنتش بايدي انت بقي يا "متعلم "

وتابع حمو بيكا قائلًا "التعليم علمك انك تقعد تعاير الناس بعيوبها؟ التعليم علمك ان تفضل تتنمر علي خلق الله ؟ التعليم علمك انك مباح ليك الشتيمه في حد هو اقل منك فى شئ؟ اكيد لا فمتجيش من ورا شاشه وكيبورد تعمل فيها عم الناصح وانت اصلاً موركش حاجة تعملها !"

وأضاف قائلًأ "انا متعلمتش ومنولتش الشرف الكبير ده بس اتعلمت حاجات كتير في الدنيا انت متعلمتهاش لسه اتعلمت احترام الكبير والصغير .. اتعلمت اشقى واتعب من صغري اتعلمت اني مغلطش في حد .. اتعلمت حاجات كتير جداً في حياتي انت عمرك ما تتعلمها طول ما انت باصص للناس ..! فكر في كلامك كويس وكومنتاتك كويس قبل ما تكتبها وقبل ما تقول انك متعلم افتكر انك في "تربية وتعليم" يعني التربيه قبل التعليم"

يشار أن حمو بيكا أطل على جمهوره مؤخرًا في بث مباشر ليكشف حقيقة خلافه مع مؤدي المهرجانات نور التوت ونفى حدوث أي شجار بينهما.

اقرأ ايضًا:

يوسف الشريف ينشر صورة ابنته لأول مرة احتفالا بعيد ميلادها

الناقد طارق الشناوي: وائل الإبراشي يتماثل للشفاء

تعرف على شرط دخول حفل حماقي بالعلمين وأسعار التذاكر

منى زكي ضيفة إسعاد يونس في "صاحبة السعادة" الإثنين