بعد لقائها مع طليقها.. أسما شريف منير: مش هنرجع

مي جودة | فى حياة المشاهير

أسما وابنتها ووالدها

السبت , 29 مايو 2021 - 19:52

كشفت الفنانة أسما شريف منير عن سبب صورها التي ظهرت فيها مع طليقها ووالد ابنتها.

كتبت أسما شريف منير عبر حسابها بتطبيق Instagram: "كتير اتقال لي متتكلميش، دي حياتك الشخصية،انت بتتاجري بحياتك الشخصية ليه؟، خليكي في الميك اپ و حاجات البنات، امسحي الپوست ده، بلاش ملوش لزمة الكلام في الموضوع ده..و عشان كل ده ضد اعتقاداتي و اللي انا مؤمنه بيه كنت بحس اني محبوسه في قالب مش بتاعي، انا بحب اقول اللي حسه بيه و اعبر عن نفسي و اساعد غيري من خلال تجارب حياتي…انا المتابعين ليا النسبة الاكبر ستات و دي في حد ذاتها معادله صعبة عشان ست زيك تثق فيكي و في ارائك و متغيرش منك مش بتحصل كتير، و عشان انا اول ما اتعرفت كان من خلال تجربة طلاقي الاولي، وصلت لقلوب ستات كتير و كسبت ثقتهم و ده كان الدافع الاساسي اني اقدم محتوي يفدهم، كلمة مؤثر مش كلمة سهله و لازم تبقي علي اساس و لازم ابقي قد اني ابقي شخصية عامة و افيد غيري. مش كل الناس قد انها تبقي جريئة و ليها صوت، في ناس بتختار تصدر حاجات ممكن تبقي مش حقيقة بس عشان تتحب و تبان انها شخصية متحققه و سعيده و مسيطره، و تخاف تقول ارئها لحسن تخسر، انا بقي مش كده، انا عرفت اني ليا تأثير ايجابي علي ناس كتير، انا ليا اثر و رأي و بيتابعني ٢ مليون شخص، ده رقم لو شفتوا علي الحقيقة ممكن يغمي عليا، لما اتكلم عن تجربة في حياتي و تساعد ناس تتقدم او تتخطي موقف صعب او تغير تفكيرها بيحسسني بسعادة و نجاح ميتوصفش، فا انا مش هبطل اتكلم و اقول كل اللي جوايا رغم ان في ناس هتفضل فهماني غلط، بس اللي بيفهمني صح هما اللي هفضل اتكلم عشانهم و اساعدهم و اطور من نفسي عشان افيدهم، عفويتي هي سر نجاحي".

وتابعت: موضوع انهارده هو اني انا و ابو بنتي قررنا ننزل نخرج عشان لارا كان بقالها كتير مشافتناش في مكان واحد، مشافتناش في كدر واحد مع بعض، و لأ احنا مش هنرجع لبعض و لا مش بنفكر خالص في كده، لان احنا دلوقتي في وضع احسن بكتير، يعني لما كنا مع بعض قررنا اننا منكملش لكن دلوقتي هنفضل في حياة بعض لاخر يوم في عمرنا عشان لارا هتفضل ربطتنا لاخر العمر، بنحترم بعض و عملنا معادلة من اصعب المعادلات في الدنيا و انا فخوره بينا جداً، بلاش محاكم، بلاش نقول كلام وحش لاولادنا عن بعض من كتر الغيظ، بلاش اب يقابل بنته في نادي بوقت، والله العظيم كله بيخسر و اولهم ولادنا اللي ملهمش ذنب في اختلافنا، التحضر في الموقف ده بيحافظ علي نفسية طفل يا يطلع سوي يا يطلع معقد، زي ما الام بتخاف علي اكل و شرب و نوم و صحة ولادها والله نفسيتهم اهم من اكلهم و مصارفهم، حتي لو في بينكم بلاوي، بدل ما تحاربوا بعض، اختاروا السلام و خلي كتفكم في كتف بعض عشان الغلابة اللي ملهمش ذنب دول..خدوا خطوة انهارده عشان قسماً بالله هترتاحوا بقي العمر، شكراً ابو لارا.

View this post on Instagram

A post shared by 𝘼𝙨𝙢𝙖 𝙨𝙝𝙚𝙧𝙞𝙛 𝙢𝙤𝙣𝙚𝙚𝙧 (@asma.sherif.moneer)

وكانت أسما شريف منير أعلنت انفصالها رسميا عن زوجها الممثل محمود حجازي.

كتبت أسما عبر حسابها على Instagram بعدما حذفت متابعته والصور التي جمعتها بحجازي: ""ياريت بعد إذنكم تحترموا خصوصية الموقف من غير شائعات ولا اجتهادات ولا أسئلة محصلش نصيب بكل احترام ونقطة ربنا يكرمنا إحنا الاثنين بس كده مفيش أي تفاصيل تانية إحنا كان في بنا عشرة وعيش وملح وأكيد مش هنتكلم في تفاصيل بيتنا".(التفاصيل).

اقرأ ايضًا:

عمها موسيقار كبير وعانت من التنمر وتراجعت عن التجميل بعد رسالة إلهية وحقيقة قرابتها بحورية فرغلي ... ما لا تعرفه عن أمينة خليل

أمير كرارة ولبلبة وخالد الصاوي ونجوم الإعلام في المؤتمر الصحفي للشركة المتحدة للخدمات الإعلامية

المتحدة للخدمات الإعلامية تعلن تفاصيل تطوير صناعة الدراما والتعاون مع شركاء الإنتاج

يوسف الإمام لـ"في الفن" : التمثيل لن يخطفني من الإخراج وسحر رامي لم تعتزل وأعيش بنصائح والدي (فيديو)