حلا شيحة عن جنازة سمير غانم: هل أنا مستعدة للحظة دي؟! مشهد مرعب

مروة لبيب | فى حياة المشاهير

حلا شيحة وصورة من جنازة سمير غانم

السبت , 22 مايو 2021 - 22:26 | اخر تحديث: السبت , 22 مايو 2021 - 22:26

عبرت الفنانة حلا شيحة عن حزنها الشديد بعد وفاة الفنان سمير غانم مشيرة إلى أن مشهد وداعه جعلها تتساءل عن استعدادها للوفاة ولقاء الله.

وعبر حسابها على Instagram، نشرت حلا شيحة صورة من جنازة الفنان الراحل وعلقت "مشهد محتاج لحظات للتأمل ووقفة طويلة مع النفس، كل ما تحصل حالة وفاة من قريب أو بعيد بلاقي نفسي جوا المشهد وبتخيل اللحظة دي، لأنها مفيش مفر منها حتيجي فجأة أو بعد مرض المهم إنها جاية وكلنا هنمر بيها..‎ وبفكر يا ترا هل أنا مستعدة للحظة دي؟! مستعدة لاستقبال عالم تاني؟ مستعدة أقابل رب العالمين؟! مشهد مرعب لكن الامتحان خلص خلاص ومستنية النتيجة".

وتابعت حلا "كل يوم بيموت من حبايبنا وأقرب الناس لينا كلنا بنحضر الدفن والعزا طب وبعد كده إيه! منا اللي بيكمل عادي زي ما كان و منا اللي مش عايز يركز في اللحظة دي ومنا اللي بيفكر شوية وخلاص بعدها بينسى ومنا اللي مش هيعدي عليه المشهد ده كده وخلاص.. أنا بسأل نفسي يا ترا احنا بنفني عمرنا في إيه و في مثل مشهور بيقول العمر مش بعزءة".

وأضافت حلا "مركزين بس في نجاحاتنا وآمالنا ومراكزنا، في مشاكلنا ومطحونين في دوامة عمرها ما هتخلص، ياترا ربنا في حياتنا فعلا ؟! ولا نسينا في الزحمة نفكر إننا ماشين.. ‎ليه بعد كل موقف وفاة مؤلم زي ده بننسى وبنرجع تاني لنفس الحال بتاع بكره حبقي أحسن بكره هصلي.. بكره هرضي ربنا بجد و ناس ناسية ربنا أصلا ده حتي بقى الخلاف على الدين نفسه ده حتى الشك اللي اتبنى جوانا من كتر البعد عن ربنا بقي يخلينا نشك في وجود ربنا أصلاً المعايير اتغيرت جوانا والأولويات اتلخبطت".

[Image_2]

‎وتابعت "مفيش آية في القران عن الدنيا إلا والكلام إن الدنيا لهو و لعب ومتاع الغرور واتحدي أي حد يلاقي غير كدة وبقول لنفسي يا ترى أنا فين من المعاني دي وبسأل نفسي لو مسألناش نفسنا دلوقتي حنسأل امتي ؟!".

واستطردت حلا شيحة "الدنيا اللي حنعيشها أيام و حنفارقها وبردو متمسكين بيها وفجأة هنلاقي نفسنا في المشهد ده!! ‎لحظة الصدق هي دي لمثل هذا فليعمل العٰملون..‎ مشغولين برأي الناس فينا وشكلنا ومكانا وشهرتنا حتزيد ازاي ومحدش حينفعنا في اللحظة دي.. بفكر كل لحظة علشان بحب ربنا ومتأكدة إننا كلنا بنحبه وبنحب كلامه وكلنا لينا لحظات خاصة معاه سبحانه وكلنا عايزين نكون قريبين منه واحنا بنبعد بدل ما نقرب حتي شهر رمضان بقى شهر لكل حاجة إلا ربنا والقرآن مع إن مفيش أهم من آيات القرآن اللي احنا ناسينه بقالنا كتير وحتى لما نقرأه بيعدي من غير تركيز حقيقي في معانيه وكورونا اللي حاسه إنها دخلت حياتنا عشان تفكرنا وبردو مكملين عادي”.

واختتمت "‎مش عارفة أعدي المشهد ده كده وامبارح فضلت صاحية وصليت الفجر ومش عارفة أنام بفكر في أستاذ سمير غانم الجميل اللي كنت بتفرج عليه من صغري وقبله أستاذ محمد الصغير وفكرت لو ده كان معادي حكون مستعدة؟! كلام صعب بس ده اللي جوايا".

ورحل الفنان الكبير سمير غانم، عن عالمنا عن عمر ناهز الـ84 عاماً، بعد تعرضه لوعكة صحية، وعانى من خلل فى وظائف الكلى، ونقل على إثرها لغرفة العناية المركزة بأحد مستشفيات المهندسين، وتدهورت حالته الصحية فى الأيام الماضية.

وشهدت جنازة الراحل حضور كبير من نجوم الفن أبرزهم سمير صبري ومحمود حميدة ويسرا وميرفت أمين والمخرجة إيناس الدغيدي وأشرف زكي وزوجته الفنانة روجينا والسيناريست عمرو محمود ياسين والإعلامي محمود الليثي والإعلامية بوسي شلبي وأحمد بدير وبيومي فؤاد ومحمد أسامة "أوس أوس" ولبلبة وحمادة هلال وأحمد الفيشاوي وعلي ربيع ومحمد حماقي وشيماء سيف.

وخرج جثمان الفنان الراحل، من مستشفى الصفا، بحضور ابنتيه الفنانة دنيا سمير غانم وزوجها الإعلامي رامي رضوان والفنانة إيمي سمير غانم وزوجها الفنان حسن الرداد.

50 صورة من جنازة سمير غانم .. وداع بدموع النجوم

وقام عدد كبير من الفنانين بنعي سمير غانم على صفحاتهم الرسمية على مواقع التواصل الاجتماعي وخيمت حالة من الحزن الشديد على الشعب المصري بعد معرفة خبر وفاة الفنان القدير سمير غانم.

اقرأ ايضًا:

لماذا عرض 9 Fast & Furious في مصر قبل الولايات المتحدة؟

حسن الرداد ينعي سمير غانم: أول مرة تعمل حاجة تزعلنا

تجيد الغناء باللغات وتقدم فيديوهات ساخرة ... معلومات عن صولا عمر صاحبة أغنية "أبو أحمد"

إلى يسرا ... 5 أشياء ابتعدي عنها في مسلسلك القادم

حزن من المحيط للخليج على رحيل "ملك الضحكة" سمير غانم