أحمد السعدني يفتح النار على زينة وصناع مسلسل "كله بالحب" : اللي بيحصل دا مهزله

نهال ناصر | فى حياة المشاهير

أحمد السعدني

الخميس , 1 أبريل 2021 - 15:04 | اخر تحديث: الخميس , 1 أبريل 2021 - 17:04

عبر الفنان أحمد السعدني عن انزعاجه مما حدث معه في مسلسل "كله بالحب" الذي يشارك في بطولته إلى جانب الفنانة زينة ومن المقرر عرضه في رمضان 2021.

وكتب السعدني عبر حسابه على Facebook موجها اعتذاره لجمهوره لمشاركته في هذا المسلسل.

نرشح لك: أول رد من صناع مسلسل "الملك" على انتقادات "لحية" عمرو يوسف

وقال: "بسم الله الرحمن الرحيم، الحقيقة أنا عمري ما عملت مشكله في شغلي وعمري ما اختلفت مع زمايلي أنما أنا اللي بيحصل معايا في المسلسل اللي شغال فيه 24 ساعة مبروحش بيتنا عشان يلحق العرض والواحد ساكت وبيعدي بلاوي عشان الزنقة والظروف أنا متربي في ستوديوهات كبرنا أنا واللي زيي اللي كان بيتقال عليهم أبناء الفنانين كأنها شتيمة علي احترام مهنتنا مواعيدنا ومذاكرتنا و تحضيرنا للشغل احترامنا للكلمة قبل العقد".

وتابع، "للأسف شركة الإنتاج ملتزمتش معايا باتفاقهم اللي علي أساسه وافقت اشتغل وكان شرط أساسي لقبولي الشغل معاهم والحقيقة أول مرة أشوف تصميم دعاية عمل فني من أفيشات وبرومو بتعمله زميلة في العمل طول عمري كنت فاكرها من اختصاص شركة الإنتاج الحقيقه أنا ضهري في الحيط أكمل و أقبل بالعبث ده عشان باقي الزملا الفنانين والفنيين المشاركين في العمل اللي ملهمش ذنب و الا أقعد في بيتنا واكتفي باللي صورته وأطلب من النقابه تجيبلي حقوقي المادية وفي كل الأحوال أنا بعتذر لأي شخص بيحبني عن تواجدي في هذا العمل لأن الحقيقة اللي بيحصل ده مهزله".

يذكر أن المسلسل حمل في البداية اسم "زي البيت الوقف" لكن تم تغييره مع الكشف عن بوسترات العمل.

ومسلسل "كله بالحب" من بطولة زينة وأحمد السعدني وصابرين وهالة فاخر ومصطفي درويش ومحسن منصور وريم البارودي وسامر المصري، ومن تأليف ورشة أحمد الشخيبي، وإخراج عصام عبد الحميد، وإنتاج شركة سكيرمو ميديا.

اقرأ أيضا:

برعاية كوافير طيبة... سخرية وانتقادات لملابس ريم مصطفى في مسلسل "الملك"

أحمد حلمي ومنى زكي يقلدان مشهدا من "أمير البحار": حبيشنا الموضوع أوي (فيديو)

محمد سعد يستعيد ذكرياته مع عمرو دياب وأحمد حلمي: أصدقاء العمر (صورة)

#حدث_بالفعل ... رتيبة وإنصاف رشدي شقيقتا بطلة أول فيلم عربي اكتشفتا محمد فوزي وأغلق البوليس صالتهما حفاظا على الأمن العام وضاع تراثهما لعدم تصويره