الملخص- نادية الجندي مع "أبلة فاهيتا": بيجيلي عرسان كتير ومعجب مجنون قلع هدومة علشان يشوفني

نهال ناصر | فى حياة المشاهير

نادية الجندي وأبلة فاهيتا

حلت الفنانة نادية الجندي ضيفة على الدمية الشهيرة "أبلة فاهيتا" في حلقة الجمعة من برنامج "لايف من الدوبلكس".

وخلال الحلقة كان لنادية الجندي الكثير من التصريحات عن حياتها الفنية والشخصية، وفي نقاط نستعرض أبرز تصريحات نادية الجندي.

- اسمي نادية عبد السلام الجندي، واسم الدلع "نونة".

- تاريخ ميلادي 24 مارس، والعمر مجرد رقم على ورقة.

- الحالة الإجتماعية غير متزوجة.

- أنا أفضل من يجسد قصة حياتي، لأن محدش يعرف يمثل قصة حياتي في مسلسل، وفي فرق بين الغرور والثقة بالنفس وأنا عندي ثقة في نفسي.

- كان في معجب مجنون بيقف تحت بيتي ويقول عاوز أشوفها ولما منعوه قلع هدومه في الشارع وجابوله البوليس وكنت بخاف منه.

- أكتر حكمة أمنت بها "اتقي شر من أحسنت إليه".

- أغنية "بنت الجيران" أكثر أغنية مهرجانات بسمعها.

- محمد مختار شريك نجاح وصراعات ورحلة طويلة من الكفاح والنجاح والست الأصيلة تحافظ على علاقتها بطليقها.

- استيقظ مبكرا وأمارس الرياضة وابتعد عن كل ما يضرني مثل التدخين، وأحرم نفسي من الحلويات حتى أحافظ على رشاقتي، لأنها مهمة لعملي.

- عملت أدوار كتير دراما وتحمست لدوري في "سكر زيادة" كان كوميديا مختلفة ومناسب لفترة كورونا والعزل المنزلي.

- مشهد الأكشن مع أحمد السقا في "سكر زيادة" قدمته من غير دوبلير.

- أحب أن أكون متجددة وأعمل حاجات غير متوقعة.

- بيجيلي عرسان كتير بس أنا مشغولة بشغلي والفن، أنا متجوزة الفن.

- كتير كانوا بيحاربوني في بدايتي ولحد دلوقتي.

- أنا برقص في الأفلام بس في المواقف الدرامية.

- بخاف من الصرصار.

- ممكن أتقدم للراجل اللي عاجبني.

- بحب شغلي جدا وفي فيلم "صغيرة على الحب" مكنتش شايفة رشدي أباظة وكنت شايفة نفسي وأدائي فقط.

- كل فلوسي رايحة على اللبس في الأفلام مببخلش على أفلامي بأي حاجة.

- كنت بصمم لبسي في الأفلام.

- قدمت مشاهد خطيرة كتير وكل فيلم خرجت منه بعاهة.

أحصل على التطبيق

FilFan.com يتم تطويره و ادارته بواسطة إعلن معنا