الأزمة تشتعل... الزوجة الأولى لطارق العريان تهاجم أصالة وتوجه له رسالة شكر

ولاء مطاوع | فى حياة المشاهير

أصالة وطارق العريان

الخميس , 24 ديسمبر 2020 - 21:13 | اخر تحديث: الخميس , 24 ديسمبر 2020 - 21:42

هاجمت هالة العتّال، الزوجة الأولى للمخرج طارق العريان، تصرف الفنانة أصالة بنشرها صورته مع الموديل نيكول سعفان، والتعليق عليها بانتقاد العريان واتهامه بالخيانة.
أول رد من نيكول سعفان بعد ظهورها مع طارق العريان: كان تعيس مع أصالة

وعبر حسابها على Facebook كتبت والدة الإبن الأكبر لطارق العريان: "دي أول مرة ممكن أرد فيها، الصورة قاسية عليكي، طيب أنا لما كنت بشوف ألف صورة، وابني مش موجود فيها، يا ترى إحساسي كان إيه؟ كان أكتر من قاسي كان مقهور، طيب لما كنتي بتكتبي العيلة وابني مش موجود فيها، إحساسه هو كان إيه؟ أولادك عندهم أب، أيمن الذهبي حي يرزق، لكن ابني كان عنده أب واحد بس، وللأسف مش هقدر أقول تفاصيل، طيب لما كنا بنحاول نتكلم كان ردك إيه، يا ترى قاسي، ولا حنون زي ما أنتي دلوقت".

تابعت: "الجواز والحب والعشرة في تفاصيل محدش يقدر يعرفها، طيب مفكرتيش في يوم من الأيام أن ممكن الأب يشتري ابنه اللي من دمه، ويرفض الظلم، طيب مفكرتيش أن في نفسية ولد، ممكن تتدمر، طيب دلوقت أولادك زعلانين من الكسرة، طيب يتكلموا معاه ليه لحد دلوقت، أرجوكي كفاية في أولاد وأنا من حقي أدافع عن ابني اللي نفسيته بقت مش حلوة، من كتر الحرب على أبوه، كفاية، بعد الانفصال اللي كنت بتمنى استمراره ليكم وربنا يشهد عليه".
هيفاء وهبي تحسم الجدل حول وصفها طارق العريان بلفظ خادش!

أضافت العتال: "بس ده نصيب، الأهم دلوقت الأولاد، كفاية تشهير في طارق، هو مش خاين وأنت عارفة ده كويس جدا والأهم من الراجل دلوقت الأولاد بس، بلاش نشوه الصورة، وهو حر وأنتي عيشتي معاه ١٣سنة وأنا عيشت ١٠سنين، ومعملتيش أي حاجة من دي عمري، لأن الأهم كان ابني مش أنا، أرجوكي كفاية من فضلك، لأن طارق أحسن أب في الدنيا مع أولاده وأنتي عارفة ده كويس".

على جانب آخر، وجهت هالة العتال رسالة امتنان لزوجها السابق ووالد ابنها طارق العريان وكتبت: "أنا بشكرك على وقوفك جانبي في حل مشكلتي، كنت ليه سند، وأمان، وده طبيعي، بعرفك وأنا عمري ١٨ سنة كنا صغيرين، واتجوزنا، وأحلى حاجة عمر حبيبي القمر اللي معك اللي بشكرك عليه في حياتي، ويا رب احفظه ليا وليك هو واخواته، أنت راجل وأب محترم لأولادك، وأنت بالنسبة ليا صديقي، وحبيبي وابن بلدي، وبشكرك من قلبي على كل حاجة، مع أني لسه كنت بكلمك".

أضافت: "بس حسيت أني عايزه أكتب كده، عيش حياتك حبيبي، أنا فخورة فيك وفي نجاحك وبشكرك على ابننا وعلى كل حاجة، وربنا وحده هو عارف اللي جواك، وشكرا على دعمك المعنوي ليا، لما كنت محتاجاك، كنت برتاح لكلامك وده كان مهم أوي ليا، كنت بقف على رجلي من جديد، عيش حياتك وانبسط لأني الوحيدة للأسف اللي فاهمة، إيه اللي كنت أنت فيه، ربنا يحفظكوا".
يذكر أن أصالة أعلنت انفصالها عن طارق العريان في يناير 2020، بعد زواج استمر 12 عاما، وأنجبت منه طفلين توأم، آدم وعلي.

وكانت نيكول سعفان أقامت حفلا خاصا بمنزلها بمناسبة أعياد الكريسماس، وحضر هذا الحفل عدد من النجوم على رأسهم الفنانة نسرين إمام والفنان ماجد المصري وتواجد المخرج طارق العريان معهم وبعد ظهوره في الصور وجهت له أصالة رسالة عبرت فيها عن تألمها من الخيانة وقسوتها.

اقرأ أيضا:
كريم فهمي يعلن إصابته بفيروس كورونا

بالفيديو- طليق نيللي كريم: أم بناتي خط أحمر!