تامر حسني: مش منطقي كل ماتش الناس تحس إن في حرب

مي جودة | فى حياة المشاهير

تامر حسني

الجمعة , 27 نوفمبر 2020 - 17:46

وجه الفنان تامر حسني رسالة لجمهور الناديين الأهلي والزمالك قبل مباراة قمة القرن في نهائي دوري أبطال أفريقيا.

كتب تامر حسني عبر صفحته بموقع Facebook: "رأيي الشخصي المُتواضع ..... مهما اتكلمنا كلنا في الروح الرياضيه الجميله في كرة القدم مش هيكون كلامنا مؤثر زي أصحاب الرياضه نفسها
يعني لو صداقتهم الطيبه تبان في العلن من خلال بوستات فيها سلام بين اللاعبين هتخليهم ينقلوا الروح السلميه دي للناس و لكُل الجماهير ، و لو أثناء المباراه حد خبط حد يعتذرله و يطّمن عليه ، الناس فوراً هتفرح بالروح دي و الروح دي هتنتقل للبيوت و للجماهير و مش هيكون في أي نزاعات ، و لو المباراه خلصت و كل لاعب جري حضن لاعب من الفريق التاني فعلاً هيخلوا الناس في البيوت و كل مكان في نفس حالة السلم اللي هيصدروها ، حتى لو إدارة كل نادي ألزمت كل فريق بالروح دي إجباري لإن ولادنا يستاهلوا إنهم مايكرهوش بعض ولا يتخانقوا بسبب رياضه المفروض إنها بتجمع الناس ، مش منطقي برضو كل ماتش الناس تحس إن في حرب هتحصل !! و بين مين !! أهم و أعرق الأنديه المصريه اللي مشرفينا في كل الدنيا، يارب كل الخير ليهم و لأولادنا و للجماهير العظيمه المخلصه ،،،
زمالك أو أهلي يعني مصر و الدنيا كلها بتتفرج النهارده على أولاد مصر و بعون الله هنرفع راس مصر لإن النتيجه أياً كانت فهي مصري".

تبدأ المباراة في تمام الساعة التاسعة مساءً بتوقيت مصر (السابعة مساءً بتوقيت جرينتش) على ملعب استاد القاهرة الدولي.

معلق مصري أرضي وتونسي فضائي لقمة الزمالك والأهلي اليوم

يذكر أن الزمالك حقق اللقب الإفريقي 5 مرات من قبل، كان أخرها سنة 2002 وخقق لقب الكونفدرالية الإفريقية وكأس السوبر الإفريقي للموسم الماضي، فيما يبحث الأهلي عن لقبه التاسع بعد أخر لقب حققه الفريق سنة 2013 تحت قيادة محمد يوسف.