علي غزلان يدافع عن نفسه بعد صورة القبر: حرام تتاجروا بيا وتلمو لايكات

مروة لبيب | فى حياة المشاهير

علي غزلان وصورة القبر التي نشرها

الثلاثاء , 11 أغسطس 2020 - 00:08 | اخر تحديث: الثلاثاء , 11 أغسطس 2020 - 00:08

حالة من الغضب اجتاحت مواقع التواصل الاجتماعي في أعقاب نشر اليوتيوبر علي غزلان صورة لقبر وعليها دعاء للراحل مصطفى حفناوي وأرجع الكثيرون هذه الصورة لقبر اليوتيوبر الراحل لينال علي غزلان نصيبه من الهجوم.

ووصفه الكثيرون بعدم احترام حرمة المتوفي والاهتمام بجمع علامات الإعجاب والمشاركة في تلك الظروف ووسط حزن الكثيرين على الوفاة المفاجئة للراحل.

علي غزلان مصور جثمان صاحبه الميت وهو متكفن و جوا القبر لما اتشتم مسحها عاملة افكر ليه بني ادم ممكن يعمل كده في الدنيا في وقت الصور فيه بتفضل موجودة على الأنترنت مَش بس مفكرش في اهلة لا حتى محترمش حرمة القبر بني ادم منحط بكل المقياس منتهى الحقارة و الوضاعة pic.twitter.com/O9tRJuRz3n

— پانيك توتال نسوان مدينه نصر (@umsiaa) August 10, 2020

في لحظات الدفن الانسان العادي اللي من لحم ودم زينا كدا وبيكون عنده احساس بيكون منهار ومش ف الدنيا حرفياً ولا حاسس باللي حواليه ولا عارف مين اللي جمبه اصلا ؛ الا الشئ اللي اسمه علي غزلان جاب منين دماغ يطلع موبايله يصور دفن " صاحبه " وينزلها ستوري . pic.twitter.com/MGiUQIpv2F

— إِسْلَامُ أَيْمُنٍ (@eslamayman_96) August 10, 2020

علي غزلان ده انسان مريض مش طبيعي pic.twitter.com/yGEvOb7AvS

— آدومي فراخ (@ayah1911) August 10, 2020

لو حضرت جنازه حد بيكون كل تفكيري بعد ما يدفن والناس تمشي ايه اللي هيحصله ويا ترى هيعدي من الأسئله ولا ويا ترى ايه اللي ممكن يكون ييحصل جوه القبر ف عالم موازي علي غزلان بيطلع تليفونه بيصور قبر صاحبه اللي هيتدفن وبينزل استوري ربنا يكفيك شر الميديا والشهره حتي لو علي حساب صحبك . pic.twitter.com/c3HxlXZxom

— الّريس حَنتيرةٌ ٢ (@same7zz) August 10, 2020

وقرر علي غزلان الرد على تلك الموجة من الهجوم عبر حسابه على Facebook قائلا "حسبي الله ونعم الوكيل صفحه منزله صورة لقبر #فاضي ، خدت الصورة ونزلتها وكتبت عليها دعاء الناس داخله تقول اني بشير قبر مصطفي وان مصطفي جوة وحرمه الميت !! دي صورة لقبر فاضي اقسم بالله ومش انا اللي مصورها .حرام عليكوا ، انا مش ناقص ، حرام تتاجروا بيا عشان تلموا لايكات وتشتموا ! حرام عليكوا وربنا .

وأضاف "احنا مش ناقصين ! احنا تعبانين ! حرام عليكوا انا طول الجنازة ممسكتش موبيلي اصلا ولا طلعته من جيبي وعزه جلال الله .. الناس كانوا معايا تقدروا تسألوهم .قسماً باله مصورتش ومنزلتش حاجه .الناس بدل ماتدعي لمصطفي داخلين يشتموا ويختلقوا مواضيع كذب وافتراء !وانتوا متشيروش حاجه لاي حد قبل ماتتاكدوا منها ارجوكم .. في ناس قذره ربنا ينتقم منهم بيصطدوا في الميه العكرة .حسبي الله ونعم الوكيل ،، اتقوا الله ".

كان مصطفى حفناوي قد أصيب بجلطة في المخ منذ 5 أيام، بسبب تشخيص طبي خاطئ لحالته الصحية، مما أدى لدخوله في غيبوبة بإحدى المستشفيات.

وطلب عدد من الفنانين الدعاء لحفناوي بعد انتشار أخبار دخوله في هذه الغيبوبة، ونشروا عبر حساباتهم الشخصية على مواقع التواصل الاجتماعي، صوره مطالبين متابعيهم بالدعاء له في هذه المحنة.

اقرأ أيضاً

وفاة اليوتيوبر والإنفلونسر مصطفى حفناوي متأثراً بجلطة في المخ

وفاة المذيعة بإذاعة الأغاني رانيا أبو زيد بأزمة قلبية