مدحت العدل عن تصريحات يوسف الشريف: نفاق واضح للسوشيال ميديا

إيمان مندور | فى حياة المشاهير

مدحت العدل ويوسف الشريف

الثلاثاء , 14 يوليو 2020 - 11:17 | اخر تحديث: الثلاثاء , 14 يوليو 2020 - 11:18

هاجم السيناريست مدحت العدل، الفنان يوسف الشريف بسبب تصريحاته الأخيرة حول رفض تقديم المشاهد الساخنة في أعماله الفنية.

أوضح العدل خلال مداخلة هاتفية مع الإعلامية لميس الحديدي ببرنامج "القاهرة الآن"، المذاع عبر قناة "العربية - الحدث"، أن بعض الأشخاص ينافقون التيار السائد على مواقع التواصل الاجتماعي، قائلا: "هناك ناس ينافقون التيار السائد عشان يبان مؤدب ولطيف، والله أعلم بيعمل إيه برا الفن".

أضاف: "أنا معنديش مشكلة إن ده يبقى بينك وبين نفسك أنت حر مع إن ده قلة موهبة، يعني أنت في مشهد بتنقذ واحدة من قدام عربية هتنقذها ازاي بالريموت كنترول يعني ولا هتمسكها!! أنت راجل جزء من عملية إبداعية أنت مجرد آلة فيها".

تابع: "حضرتك قررت أنك تمثل من غير ما تلمس ست أنت حر طالما المنتج والمخرج قبلوا ده، لكن لما تطلع تقول كده تبقا بتدين بشكل ضمني الممثل زميلك اللي هيعمل الدور ويمسك الست ويبقى حضرتك بتقول أنا بطل وأنا أخلاقي.. ومن غير ما تقول فالزميل اللي بيمسك ممثلة بتمثل دور أمه مثلا وبيحضنها لأنه جاي من السفر يبقى مش محترم لأنك محترم ومبتلمسهاش!.. ده اختلال في المعايير وعدم فهم يعني ايه فن ونفاق واضح لفئة موجودة على السوشيال ميديا".

كان يوسف الشريف قد صرح مؤخرا في برنامج "مساء dmc"، قائلا: "في قيود أنا بحطها لنفسي زيادة عن أي حد تاني، ودي حقيقة حتى لو وصلت لدرجة العقود.. دي حقيقة بقالها 10 سنين أو أكتر، ده من بعد فيلم هي فوضى، بدأت أفكر بالطريقة دي.. دي حرية شخصية طالما مبضرش حد.. أنا مبستريحش لو بقي فيه مشاهد ساخنة أو فيها قبلات.. دي قاعدة بطبقها على نفسي بس.. بدأت أحط قيود لأن قبل كده في منتجين اتفقت معاهم على ده ووقت التنفيذ غيروا كلامهم".

تابع: "وهنا أنا لا أزايد على زملائي أو إني أحسن منهم، بالعكس كلهم ليهم الاحترام ومنهم من يقدمون أعمالا محترمة دون أن يتعمدوا هذه الطريقة.. عشان بس الكلام ميتفهمش إني بزايد عليهم أو بقول إني أحسن منهم.. خالص".