رانيا محمود ياسين تكشف صعوبات عملها الفني: أنا بنت النجوم ولكن!

رانيا محمود ياسين تكشف صعوبات عملها الفني: أنا بنت النجوم ولكن!

إيمان مندور | في الأخبار،حياة المشاهير تاريخ النشر: السبت ، 11 يوليو 2020 - 15:39 | آخر تحديث: السبت ، 11 يوليو 2020 - 15:39
رانيا محمود ياسين رانيا محمود ياسين
وجهت الفنانة رانيا محمود ياسين رسالة للجمهور، حول نشأتها والصعوبات التي تواجهها في العمل الفني.

كتبت رانيا عبر حسابها على Instagram: "أنا رانيا محمود ياسين متزوجة من الفنان محمد رياض وأخي الكاتب والفنان عمرو محمود ياسين: نشأت وترعرت في بيت فني من طراز رفيع أب أكبر نجم في مصر وفتى الشاشة الأول وأم فنانة كبيرة ومهمة ولكن وقتها واهتمامها الأهم هو أولادها ربنا يخلي ويبارك في أبويا الفنان والنجم الكبير والأب العظيم محمود ياسين، والنجمة والأم العظيمة شهيرة".

تابعت: "اتعلمت في هذا البيت أن المهنة دي اجتهاد والتزام وصبر ومعاناة علشان توصل وان احترامك لجمهورك من احترامك لنفسك، اتعلمت حب للمهنة دي بكل معاني الكلمة مهما كانت الصعاب لازم اخلص لشغلي واديله من وقتي وصحتي وتركيزي واعرف اني بقدم رسالة وبقدم شئ يسعد الناس، يعني بلعب دور علشان العب علي مشاعر الناس واخاطب عقولهم يا إما انجح انهم بصدقوني يأما يقولوا مكنتش موفقه وساعتها ده اصعب احساس".

أضافت رانيا: "ولما تنجح تبقي أحلى فرحة في الدنيا إنك أسعدت الناس وبعدها تدخل دوامه يا ترى اعمل ايه تاني يعجب الناس. كل القيم دي عشت بيها واتربيت عليها اترسخت جوايا بالرغم من كل زمن العبث اللي احنا بقينا فيه اللي إني ما زلت لا أستطيع أن أكون غير الفنانة الملتزمة لا اعرف اضرب اوردر ولا لما قسط الفلوس يتأخر اهدد اني مش نازله ولا اعرف اعمل أي حاجه علشان أكون متواجدة واهو شغل وخلاص".

استطردت: "كل ما ابتعد شوية علشان ظروف بيتي وأولادي ارجع أعاني علشان استرد مكانتي.. هذه المهنة مش زي ما الناس شايفاها بريق وأضواء وفاكرين إننا كلنا بناخد فلوس فظيعة، مهنة صعبة عايزة صبر وجلد وصراع واجتهاد علشان تحقق اللي نفسك فيه مش معني إنك ابن النجوم إن الطريق ملئ بالورود لأ هو ملئ بالورود الجميلة إللي مليانة بالأشواك".



يشار إلى أن رانيا محمود ياسين شاركت في رمضان 2020، بمسلسل "فلانتينو" من بطولة عادل إمام ودلال عبد العزيز وداليا البحيري وحمدي الميرغني ومحمد الكيلاني وطارق الإبياري وهدى المفتي ووفاء صادق، ومن إخراج رامي إمام وتأليف أيمن بهجت قمر‎.‎

اقرأ أيضا:


رانيا يوسف: أمي كانت بتلبس قصير ومفتوح ومحدش اتحرش بيها

ابن سلاف فواخرجي يتعرض للتنمر على وزنه في بث مباشر..شاهد رد فعلها

إيمان مندور

7/11/2020 3:39:36 PM

https://www.filfan.com/

2004-2020 © FilFan.com يتم تطويره وإدارته بواسطة

clicking on ".search-btn" adds class "open" on "#search-overlay" clicking on ".close, .confirm" removes class "open" on "#search-overlay" clicking on ".social-btn" adds class "open" on "#social-overlay" clicking on ".close" removes class "open" on "#social-overlay"