بسبب سيجارة... رامز أمير يعتذر للجمهور ويؤكد: كان لازم أريح ضميري

ولاء مطاوع | فى حياة المشاهير

رامز

الخميس , 2 يوليو 2020 - 18:23

اعتذر الفنان رامز أمير عن ظهوره في أحد مشاهد فيلم "حملة فرعون" وهو يضع سيجارة بفمه، مؤكدًا أنه لن يكرر هذا الأمر مرة ‏أخرى.‏

نشر أمير عبر حسابه على Instagram صورة لولد يقلد وقفته والوشم على ذراعه في الفيلم، وكتب معلقًا عليها: "والله اتكسفت لما لقيت ‏الناس اتأثروا بيا قوى كده، وأنا حاطط سيجارة في بقي حتى ولو تمثيل، خصوصا إن مكانش ليها سبب مهم في الدراما، أنا بعتذر لكم ‏وحقكم عليا دي غلطة ومش هتتكرر تاني".‏

أضاف رامز أمير قائلا: " أنا كل اللي بتمناه إنى أكون نموذج إيجابي ليكم لأنى فعلا مبعملش حاجة في حياتي غير إنى بلعب رياضة ‏و بجتهد عشان حلمي ونفسي الناس كلها تعمل كده، وعمري ما أقدر أكون سبب إن حد يعمل حاجة غلط عشان بيحبني"‏

اختتم رامز: " أنا عارف إن في ناس هتهاجمني على البوست ده بس دي حاجة ليها علاقة بضميري وكان لازم أوضحها عشان ‏استريح، بعتذر لكم مرة تانية".‏
‎ ‎
يشار إلى أن رامز أمير شارك في سباق دراما رمضان 2020 بمسلسل "الاختيار".‏

‎"‎الاختيار" بطولة أمير كرارة وأحمد العوضى ودينا فؤاد وسارة عادل وضياء عبد الخالق وعدد كبير من ضيوف ‏الشرف، ‏تأليف ‏باهر ‏دويدار وإخراج بيتر ميمي وإنتاج شركة سينرجي‎.‎

تناول المسلسل حياة أحمد صابر المنسي - قائد الكتيبة ‏‏103 صاعقة - الذي استشهد فى كمين "مربع ‏البرث"، ‏بمدينة ‏رفح ‏المصرية ‏عام 2017، أثناء التصدي لهجوم إرهابي في سيناء، ‏على أن يُظهر العمل العديد من الجوانب ‏الاجتماعية ‏والإنسانية ‏في ‏حياة البطل ‏الراحل‎.‎

اقرأ أيضا

عمر كمال ينشر صورة تجمعه بوالدته وشقيقته

علاقة تسعينيات أحمد زكي بمترو الأنفاق