استعاد الفنان أحمد السعدني بسخريته المعهودة موقفًا حدث له في أول أيام امتحانات الثانوية العامة.
كتب السعدني الموقف عبر حسابه على facebook وقال: "أول يوم امتحان ثانوية عامة كان لغه عربيه الساعه ٩ صباحاً مدرسة جمال عبد الناصر صحيت ٩ إلا خمسة في بيتنا أحمد عرابي المهندسين على أمي بتنفضني على السرير زي ما بتنفض السجادة في الشباك نزلت بالبيجاما تقريباً ونزلت معايا ومحضرالي سندوتشات وصلنا المدرسه ٩ وربع لقينا البوابة مقفولة أمي شبكتلي ونطيت من فوق السور على صوت بتاع الأمن بينده عندك يا ابني".
تابع السعدني: "عليا سبرنت مو صلاح أو على أيامها ياسر ريان (الجناح الطائر) جري في المدرسة كلها بتوه بتاع الأمن زي مطاردات سلام يا صاحبي وصلت اللجنة وبوس ايادي عشان يدخلوني و امتحن و بعد الامتحان وقفنا عند كشك قدام المدرسة بنسمع شريط عمرو دياب كان لسه نازل أغنية مش هضعف وروحت أمي كانت عاملالي بطاطس محمرة كلتها ونمت أمي موققتش عند المدرسة تستناني والحمدلله نجحت بتفوق يعني الوقفة بره مش بتفرق يا والدي ويا والدتي روحوا البيت وادعوا من قلبكوا وإن شاء الله أبنائكم هيتفوقوا زيي ويجيبوا ٢٥/٥٠".
يشار إلى أن أحمد السعدني غاب هذا العام عن جمهوره في رمضان ولم يشارك في أي عمل.
كان أخر الأعمال التي عرضت له مسلسل "شبر ميه" بطولة نجلاء بدر، ومحمد علي رزق، ومراد مكرم، ومحمد جمعة، ورجاء الجداوي، ونهى عابدين، وندى موسى، وحنان سليمان، وأمجد الحجار، وإسماعيل شرف، تأيف شريف بدر الدين، إخراج طارق رفعت، وإنتاج شركة سينرجي.
اقرأ أيضا:
بمثابة والدها... منى زكي لهذا الفنان: دائما في بالي يا أبي
بصورة من حملها... سالي فؤاد تهنئ طليقها بعيد الأب