هالة صدقي عن علاج رجاء الجداوي: لو محسوبية مكانتش اتحدفت في الإسماعيلية!

مروة لبيب | فى حياة المشاهير

هالة صدقي ورجاء الجداوي

الثلاثاء , 26 مايو 2020 - 13:14

هاجمت الفنانة هالة صدقي مستنكري علاج الفنانة رجاء الجداوي ووضعها في غرفة خاصة لعلاجها من فيروس كورونا.

"شكولاته سايحة جوة كيك".. أغنية جديدة لحسن شاكوش وعمر كمال

وعبر حسابها الشخصي على موقع كتبت هالة صدقي "يعني المفروض نسيبها تموت وما تتعالجش لأنها فنانة؟، مش فاهمة، وهي كان ليها الأولوية لأنها ست كبيرة، ولأن كورونا خطرها أكبر على الناس الكبار، وإيه رد الفعل لو كانت اتسابت من غير علاج؟، كنتو هتتبسطوا؟، ولو في أي محسوبية مكانتش اتحدفت في الإسماعيلية، كانت راحت أي مستشفي في القاهرة، جنب بيتها".

وتابعت: "الست دي جالها كورونا وهي بتشتغل، مش زي ما حضراتكم تبرعتوا وقولتوا إنها بتشتري هدوم العيد لحفيدتها، وفضلت تشتغل لآخر لحظه بكل التزام، مش لأنها كسرت القوانين ونزلت تتفسح أو تتمشي".

ووجهت هالة صدقي حديثها للأطباء "السادة الافاضل الدكاترة، طبعا طبعا كتر خيرهم، ومؤكد ليهم أولوية في العلاج، بس مش سرير رجاء الجداوي، اللي عطل إنقاذ أي مواطن، هي مواطنة مصرية وليها كل الحقوق للعلاج، من غير تنمر ومن غير تريقة مش لازم الفنان يكون في ديل القائمة علشان ترتاحوا، وبما إننا في حالة طوارئ فواجب على مستشفيات القطاع الخاص اللي كسبت مننا الملايين تتبرع ولو بدور واحد للحالات المهمة أو مستشفى واحد للاطباء اللي بيضحوا بحياتهم لعلاجهم، لأن فعلا دول اللي ليهم الأولوية".

خلال الأيام الماضية أثير الكثير من الجدل حول الاهتمام بإصابة الفنانة رجاء الجداوي بالتزامن مع وفاة طبيبا بكورونا.

يشار إلى أن رجاء الجداوي شاركت في رمضان 2020 بمسلسل "لعبة النسيان" الذي انتهت من تصويره قبل أيام قليلة.

مسلسل "لعبة النسيان" سيناريو وحوار تامر حبيب وإخراج هاني خليفة، وبطولة دينا الشربيني، أحمد داود، إنجي المقدم، محمود قابيل، علي قاسم، رجاء الجداوي‎.‎

اقرأ أيضا

شاهد- قرد يهاجم لبنى عسل على الهواء وهروبها خارج الاستديو

(تسجيل صوتي) رجاء الجداوي : خافوا على نفسكم عشان متوصلوش للي أنا فيه