محمد ممدوح يعلق على الجدل بين إصابة رجاء الجداوى ووفاة طبيب بكورونا

مروة لبيب | فى حياة المشاهير

محمد ممدوح ورجاء الجداوي

الثلاثاء , 26 مايو 2020 - 02:05

علق الفنان محمد ممدوح على الجدل المثار حول الاهتمام البالغ بإصابة الفنانة رجاء الجداوي بفيروس كورونا المستجد بالتزامن مع وفاة طبيب مصاب أيضا بالفيروس.

(تسجيل صوتي) رجاء الجداوي : خافوا على نفسكم عشان متوصلوش للي أنا فيه

وعبر حسابه الرسمي على Instagram، نشر محمد ممدوح صورة للفنانة رجاء الجداوي وعلق عليها بأن من يتذمرون بشأن الاهتمام بحالتها لن يكونوا سعداء لو أصابها مكروها وأن هذا ليس مبررا للتقصير في حق الطبيب الراحل ومهمتنا الآن أن ندعو لهم.

وأضاف " أستاذة رجاء الجداوي من أطيب وأنضف الناس اللي اتعاملت معاها في حياتي وأظن إن كلنا متفقين على ده، لاني عمري ما شفت حد زعل منها أو هاجمها..فا ماظنش برضه إن لو كان لقدر الله جرالها حاجة وهي في بيتها بسبب تقصير في الإجراءات كنت هتكون مبسوط ساعتها، بالعكس كانت الدنيا هتقوم مش هتقعد وكنتوا هتغضبوا اكتر من دلوقتي بكتير وأنا واثق من ده".

وأضاف محمد ممدوح "وده مش مبرر أبدا للتقصير اللي حصل مع الدكتور وليد الله يرحمه وباقي الدكاترة اللي نحتسبهم عند الله شهداء بإذن الله، اللي فقدوا حياتهم أثناء تقضية واجبهم تجاهنا وتجاه بلدهم..

فا اللي احنا المفروض نعمله ايه دلوقتي؟ ندعى لأستاذة رجاء إن ربنا يشفيها ويقومهالنا بالسلامة وندعى لشهدائنا من الأطباء ربنا يسكنهم فسيح جناته ويصبر ذويهم ونطالب وزارة الصحة بتطبيق أعلى معايير الوقاية والسلامة على أطبائنا في الصفوف الأولى لأن هما في البداية بشر وقرروا يضحوا بنفسهم عشان كل واحد فينا وكمان لانهم سبيلنا الوحيد للمرور بالازمة دي

وحاجة كمان . ياريت نبطل نمشي ورا الإشاعات ومش أي خبر نقابله نصدقه.. حفظ الله مصر بأطبائها وجيشها وشعبها بجميع فئاته وأطيافه على حد سواء.

View this post on Instagram

استاذة رجاء الجداوي من اطيب وانضف الناس اللي اتعاملت معاها في حياتي واظن ان كلنا متفقين على ده، لاني عمري ما شفت حد زعل منها او هاجمها.. فا ماظنش برضه ان لو كان لقدر الله جرالها حاجة وهي في بيتها بسبب تقصير في الاجراءات كنت هتكون مبسوط ساعتها، بالعكس كانت الدنيا هتقوم مش هتقعد وكنتوا هتغضبوا اكتر من دلوقتي بكتير وانا واثق من ده.. و ده مش مبرر ابدا للتقصير اللي حصل مع الدكتور وليد الله يرحمه وباقي الدكاترة اللي نحتسبهم عند الله شهداء باذن الله، اللي فقدوا حياتهم اثناء تقضية واجبهم تجاهنا وتجاه بلدهم.. فا اللي احنا المفروض نعمله ايه دلوقتي؟ ندعى لاستاذة رجاء ان ربنا يشفيها ويقومهالنا بالسلامة وندعى لشهداءنا من الاطباء ربنا يسكنهم فسيح جناته ويصبر ذويهم ونطالب وزارة الصحة بتطبيق اعلى معايير الوقاية والسلامة على اطباءنا في الصفوف الاولى لان هما في البداية بشر وقرروا يضحوا بنفسهم عشان كل واحد فينا وكمان لانهم سبيلنا الوحيد للمرور بالازمة دي و حاجة كما.. ياريت نبطل نمشي ورا الاشاعات ومش اي خبر نقابله نصدقه.. حفظ الله مصر بأطباءها وجيشها وشعبها بجميع فئاته واطيافه على حد سواء. #رجاء_الجداوي #نقابة_الاطباء

A post shared by Mohamed Mamdouh (@mohamedmamdouhofficial_) on May 25, 2020 at 8:59am PDT

شاركت رجاء الجداوي في مسلسل "لعبة النسيان" الذي عرض في رمضان الماضي.

مسلسل "لعبة النسيان" سيناريو وحوار تامر حبيب وإخراج هاني خليفة، وبطولة دينا الشربيني، أحمد داود، إنجي المقدم، محمود ‏قابيل، علي قاسم، رجاء الجداوي‎.‎‏ ‏

اقرأ أيضا

أحمد زاهر: الناس حذرتني من محمد رمضان قبل "البرنس"

أول صورة لرجاء الجداوي من مستشفى العزل بعد إصابتها بكورونا