اقرأ أيضًا: فيديو- بكاء عبير صبري بسبب زوجها
نشر حافظ عبر حسابه الشخصي على موقع Facebook، صورة للشهيد المنسي، وللفنان أحمد كرارة الذي جسده دوره خلال أحداث المسلسل.
وعلق عليها كاتبًا: "كلمتين وقفين في زوري لازم أقولهم يمكن نار قلبي تبرد، أنا واحد من شباب البلد دي مكنتش أعرف قيمة جيش بلدي، تجربة الاختيار غيرت حاجات كتير جوايا، احنا كنا اوقات كتيرة بنبقى قاعدين في التكييف وبنشاور ونقول ده ينفع و ده لأ، البلد لازم يحصل فيها كذا وكذا وكذا عشان تبقى أحسن بدون أي فهم او وعي حقيقي".
تابع: " الواحد بيكون ناسي انه قاعد على كرسية في بيته وممكن في نفس اللحظه يكون فيه رجالة بتموت عشانه، أنا نفسي اشوف بلدي أحسن بلد في الدنيا، بس ده مش هيحصل من غير علم وشغل وتعب وعرق مش بالتنظير على الفيسبوك، آخر حاجه عاوز أقولها.. بعد التجربه دي عهد عليا قدام ربنا إني هعرف ولادي بجد قيمة جيش بلدي، هكون مبسوط وأنا بقولهم إن جزمة عسكري جيش بلدي على دماغي من فوق، ربنا يرحم شهدائنا ويجمعنا بهم،،، إحنا كتير مبنخلصش و تحيا جمهورية مصر العربية".
"الاختيار" بطولة أمير كرارة وأحمد العوضى ودينا فؤاد وسارة عادل وضياء عبد الخالق وعدد كبير من ضيوف الشرف، تأليف باهر دويدار وإخراج بيتر ميمي وإنتاج شركة سينرجي.
يتناول المسلسل حياة أحمد صابر المنسي - قائد الكتيبة 103 صاعقة - الذي استشهد فى كمين "مربع البرث"، بمدينة رفح المصرية عام 2017، أثناء التصدي لهجوم إرهابي في سيناء، على أن يُظهر العمل العديد من الجوانب الاجتماعية والإنسانية في حياة البطل الراحل.
اقرأ أيضًا:
"احنا مش بتوع حداد"... كليب لـ أحمد جمال أبطاله أبناء الشهيد "المنسي"
صور - بطل من معركة البرث يروي تفاصيل اللحظات الأخيرة مع الشهداء... هذا ما قاله المنسي
