فراس سعيد يرد على انتقادات استئناف التصوير رغم إغلاق المساجد

مي جودة | فى حياة المشاهير

فراس سعيد

الاثنين , 6 أبريل 2020 - 20:04 | اخر تحديث: الاثنين , 6 أبريل 2020 - 20:44

حملة هجوم شرسة يتعرض لها الفنانين هذه الفترة بسبب استكمال تصوير الأعمال الرمضانية رغم التحذيرات من التجمعات خشية انتشار فيروس كورونا.

ورد الممثل فراس سعيد على منشور منتشر عبر مواقع التواصل الاجتماعي ينتقد استئناف التصوير رغم إغلاق المساجد، وكتب: "آسف اني بكلمكم عن حاجة بسيطة.. بس الموضوع محيرني و مش فاهمة
الصورة دي بقالها يومين بتلف الانترنيت.. ناس كتير كاتبة ان في زمن أتقفل فيه الجوامع و المساجد الناس دي لسه بتصور.. و طبعا ناس بتدعي علينا بأننا نمرض.. و ناس شايفه ان ده أستهتار و جري وراء الفلوس.. غير كلام جارح كتير مالهوش لازمة".

وتابع: "أولا.. لا اعلم لو صورة الزميل محمد رمضان دي من امتى...بس الصوره الثانية اللي متشيره دي من تصوير مسلسل "ضد مجهول" يعني من اكتر من سنتين.. وانا عن نفسي واقف تصوير و فالبيت داخل على ٣ اسابيع".

وأضاف: "ثانيا .. انا مع كل الناس اللي شايفه ان التجمع فالوقت ده غلط.. و اننا لازم نلتزم بالاجرائات الوقائية.. بس فيه مسئوليه على الناس ديه.. و اكيد مش هاينزلو من بيوتهم الا عشان المسؤلية دي، ثالثا... هو أيه لازمه الكلام الغلط و الدعاء على الناس ؟
آسف لو خدت من وقتكم".

ومن ناحية أخرى، توقف تصوير مسلسل "أسود فاتح" الذي يشارك فيه فراس سعيد مع هيفاء وهبي وأحمد فهمي وشريف سلامة بسبب إجراءات السلامة من فيروس كورونا في بيروت.

اقرأ أيضا

صورة- حمدي الميرغني يغازل زوجته

ظهور خاص لأحمد السقا في البرومو الأول لـ"سكر زيادة"