روى الإعلامي محمود سعد كواليس ما حدث مع الفنان الكبير الراحل أحمد زكي، أثناء زلزال عام 1992، كاشفا عن تخيله لموقف الفنان الراحل لو كان قد عاصر زمن الكورونا الذي نعيش فيه الآن.
أوضح سعد خلال برنامجه "باب الخلق" المذاع على قناة النهار، أنه قبل وقوع الزلزال كان زكي في منزله بالطابق الثاني عشر، يتحدث مع الزميل الراحل أحمد الدسوقي، وبمجرد أن شعر بالزلزال هرول إلى الشارع في ثواني معدودة، مضيفا: "لما فجأة حصل الزلزال أحمد الدسوقي بعد ثانية ملقاش زكي قدامه.. لقاه نزل الشارع وحكمت وراه.. اللي هي الست اللي كانت ماسكه البيت بتاعه.. وخد شبشب حكمت وطلع على أحد الفنادق عاش هناك مرجعش البيت ده تاني".
أشار محمود سعد إلى أن زكي لو كان حيا بيننا الآن، وفي ظل أزمة الفيروس المستجد، لكان قد اشترى كل المستلزمات الطبية المطلوبة للوقاية من كورونا، قائلا: "أحمد لو كان في زمننا دلوقت اتوقع إنه كان هيبعت يشتري كل الجوانتيات والكمامات الموجودة وهيلبس منها كتير جدا، وبعد 5 دقايق هتلاقيه واقف على عربية فول بياكل فول مع الناس في الشارع ويسلم على الناس ويدخل ياكل كشري.. هو ده كان أحمد زكي شوية شخبطة متوتر مرتبك قلقان طول الوقت.. لكن مجرد ما يتحط قدامه الكاميرا كده تلاقيه يبقا أحمد زكي العظيم.. يكتمل زي البدر".
اقرأ أيضا:
رضوى الشربيني للمشاهدات: اوعي الكورونا تخليكي ترجعي للإكس
محمد إمام لأوس أوس: منك لله عرفتني سكة الحاجات دي