صورة نادرة ورسالة مؤثرة من دينا الشربيني لوالدتها... هل تشبهها؟

مي فهمي | فى حياة المشاهير

دينا الشربيني

السبت , 21 مارس 2020 - 23:38

حرصت الفنانة دينا الشربيني على تقديم التهنئة لوالدتها في عيد الأم لكن بشكل مختلف.

ونشرت دينا الشربيني على حسابها الرسمي على موقع Instagarm صورة نادرة لووالدتها ووجهت لها رسالة مؤثرة.

وكتبت دينا :"كل سنه وانت طيبه..كل سنه وانت معانا..كل سنه وانت اجدع وأطيب وأحلى أم فى الدنيا..انا واخواتى من غيرك ولا حاجه صعب اوى اقدر اعبر عن الحب الجوايا ليكى..انت حبيبتى، أمى الحنينه الطيبة البتضحكنا من غير ما تقصد القلبها وجعها علينا طول الوقت انا واخواتى..عمرى ما حاقدر اردلك العملتيه وبتعمليه علشانا..ربنا يخليكى لينا..انا مقدرش أعيش من غيرك..بحبك يا امى، أكيد الانا كتبته لامى من قلبى ده كلكم حاسينه لامهاتكم..هما عاشوا علشانا وجه الوقت النعيش فيه علشانهم..ارجوكم عايزين عيد الأم الجاى يكونوا امهاتنا وصتينا وربنا يااااارب يخليهم لينا..احموا نفسكم من المرض علشان تحموهم. ربنا يخلى كل الأمهات لولادهم يارب امهاتنا سهروا و تعبوا وعاشوا طول عمرهم علشان يحمونا، ودلوقتى جه دورنا علشان نحميهم..لو سمحتوا لازم كلنا نخاف على أهالينا اكتر من نفسهم علشان هما عاشوا طول عمرهم خيفين علينا اكتر من نفسنا اللهم احفظ لنا امهاتنا واجعلهم اسعد خلقك يا رب العالمين..ربى اسعد امهاتنا عدد ما ضخ قلبهما وعدد ما رمشت اعينهم وابعد عنهما كل سوء يا الله..يارب لا تحرمنا من أمهاتنا وأبائنا فلا يعوضنا شئ عنهم واجعل البسمه لا تفارق شفتاهم أبدا ..يارب اطل بعمر أمهاتنا وأبائنا والبسهما ثوب الصحة والعافية ولا ترينا فيهم اى مكروه اللهم آمين، كل سنه وكل أم طيبه وكل سنه وكل شخص فقد أمه ربنا يصبره و يرحمها و يعيش ببركه دعاها.

‎‎

من ناحية أخرى تشارك دينا الشربيني في موسم رمضان 2020 بمسلسل "لعبة النسيان".

يشارك في "لعبة النسيان" العديد من النجوم بجانب دينا الشربيني أبرزهم رجاء الجداوي، وهنا شيحة، وأحمد صلاح السعدني، وإنجي المقدم، وعلي قاسم، ومن تأليف تامر حبيب، وإخراج هاني خليفة.

اقرأ أيضاً

بالصور- حريق هائل بموقع تصوير مسلسل "النهاية" ليوسف الشريف

فيديو- أصالة عن تجمع عائلتها: أحلى شيء بالحياة‏