مر الفنان أحمد مجدي بأزمة فقدان صديقة قريبة منه، أثناء دراسته الجامعية وقرر التحدث مع متابعيه عنها.
نشر مجدي عبر حسابه على Instagram صورة شخصية وكتب معلقًا عليها: "وأنا في أولى حقوق كنت باجي أذاكر في دونتس المعادي أيام الامتحانات، وكانت صديقتي منة عبد الظاهر بتيجي أحيانا تذاكر معايا مع إنها كانت في كلية تانية، وكنا طبعا ولا بنذاكر ولا حاجة! كنا بنقضيها كلام وحكاوي وقبل مانقوم نبص شوية في الورق والكتب ونمشي".
تابع: "بساطة المكان وهدوئه كانوا بيسمحولي بالتأمل وبمتابعة اللي بيحصل جوة المكان وبراه، وبعد فترة مش متأكد قد إيه، منة سافرت أجازة. وفي الطريق عملت حادثة وراحت المستشفى ودخلت في غيبوبة، كانت صدمة كبيرة جدا على الجميع، وخلال أيام كان خبر وفاته، وكان أكتر خبر قاسي سمعته في حياتي".
أضاف أحمد مجدي: "لكن فضلت ذكرى منة جميلة وطيبة.. وامبارح في عز العاصفة قررت أنزل وما استسلمش للخوف اللي في البيوت، عديت بالصدفة من قدام الدونتس اللي عادة بتحاشى النظر إليه وركنت العربية ودخلت طلبت البتاعة أم قرفة اللي كنت بحبها، وقربت للمكان اللي كنا بنقعد فيه أنا ومنة.. حسيت كأني داخل أقعد معاها. وانبسطت أوي إن المكان لسه زي ما هو إلى حد كبير.. تحية لروحك المرحة الظريفة يا منة".
اقرأ أيضًا:
تعرف على فارق السن بين ياسمين صبري وأحمد أبو هشيمة
الصورة الأولى لياسمين صبري مع أحمد أبو هشيمة