طليقة شقيق ياسمين عبد العزيز: حق ابني هجيبه بالقانون

ولاء مطاوع | فى حياة المشاهير

ياسمين ووائل عبد العزيز

الأربعاء , 4 مارس 2020 - 18:03

أزمة كبيرة أثيرت خلال الساعات الماضية بعد مهاجمة الفنان وائل عبد العزيز شقيقته الفنانة ياسمين عبد العزيز بسبب علاقتها ‏العاطفية بالفنان أحمد العوضي، مما نتج عنه خروج طليقة وائل عن صمتها وتوعدها برفع قضية لإقحام اسم نجلها في هذه الواقعة.‏

خاص في الفن- أول رد من أسرة طليقة شقيق ياسمين عبد العزيز

نشرت طليقة وائل عبد العزيز عبر حسابها على Facebook، قائلة: "أنا طليقة وائل عبد العزيز أخو ياسمين عبد العزيز، أولا وائل مش ‏بيصرف علي ابنه من يوم ما اتولد وأنا انفصلت منه وابني عنده 5 شهور ولحد دلوقتي ولا بيصرف عليه ولا حد من أهله بيصرف ‏على ابني غيري".‏

تابعت: "مؤخرا بس من 3 سنين ياسمين قالت لي أنا متكفلة بمصاريف الدراسة دفعت سنتين ومش المصاريف كاملة كمان، وبعد كده ‏قالت لي أنا ظروفي ما تسمحش ادفع مصاريف تاني، قلت لها أنتي اللي عرضتي تدفعي قالت لي ورجعت في كلامي في مشكلة؟".‏

اختتمت والدة ابن وائل عبد العزيز: "ده الموضوع باختصار، وياريت محدش يجيب سيرة ابني لو سمحتوا.. وحقي وحق ابني هاخده ‏بالقانون".‏

‎‎

كان أحمد العوضي قد رد على شقيق ياسمين كاتبا: "أنهي بيت اللي أدخله من بابه.. إن كانت هي اللي بتصرف عليك وعلى ابنك اللي ‏مخبيه وراميه وهي بتدفع له مصاريف مدرسته‎".‎
‎‎

وجاء ذلك ردا على ما وجهه الفنان وائل عبد العزيز من انتقادات قاسية لشقيقته الفنانة ياسمين عبد العزيز بسبب ما تردد من شائعات ‏حول ارتباطها بالفنان أحمد ‏العوضي.، كاتبا: "هنهرتل وتروحي تعرفي واحد أصغر منك بـ 10 سنين لا من سنك وتتصوري صور ‏مالهاش أي ‏لازمة على حساب سمعتك وسمعتنا لا ومحدش هيسمح، من إمتى واحنا بنعمل أعياد ميلاد وتنزل علي السوشيال ميديا، ‏من إمتي ‏الناس بتجيب في سيرتنا !؟ ونقعد نتعاكس علي السوشيال ميديا".‏

وتابع: "ومع ذلك حياتك وأنتي حرة فيها، أنا هتكلم على الشق الي يخصني، أنتي مقاطعه كل العيلة عشان تعملي الي على مزاجك ‏‏.. ‏إحنا دلوقتي عايزين نفهم العلاقه دي إيه و رايحة على فين".‏

بعد أزمة التشهير بفنانة... ناهد السباعي: جتكم القرف أنتم الاتنين

استطرد شقيق ياسمين عبد العزيز: "أما بالنسبة للأخ الي ماشي وراكي في كل حتة وشايفك البيضة الدهب الي هتفقسله كل يوم ‏أحب ‏أقولك يا راجل لما تيجي تدخل بيت تدخله من بابه يا راجل !! وتقعد مع رجالة البيت !!..دي الأصول وده الاحترام .. وطبعا ‏لأنك ‏عارف إنك مرفوض رفضا باتا فعمرك ما هتعمل ده ومعندكش غير طريق الشمال الي أنت سالكه من سنين مع بنات الناس".‏

اختتم وائل حديثه بقوله: "أنا من رأيي كفاية عليك البطولة الي أخدتها والعربية المرسيدس الهدية .. وتركز في شغلك وتسيبنا في ‏حالنا ‏لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".‏
‎‎

اقرأ أيضا:

ياسمين عبد العزيز للعوضي: بحبك يا أحمد

محمد محمود عبد العزيز عن أزمة "العوضي وياسمين": يا خسارة الرجولة