محمد دياب وشقيقيه يحققون حلم والدهم المؤجل

محمد دياب وشقيقيه يحققون حلم والدهم المؤجل

ولاء مطاوع | في الأخبار،حياة المشاهير تاريخ النشر: الخميس ، 23 يناير 2020 - 0:47
محمد دياب محمد دياب
قرر السيناريست والمخرج محمد دياب، تحقيق حلم والده المؤجل بمساعدة شقيقيه الكاتبين شيرين وخالد دياب.‏

نشر محمد دياب عبر حسابه الخاص على Facebook، صورة من غلاف كتاب "نحن والقمر" وهو مجموعة من أشعار والده المجمعة، وكتب ‏معلقًا على الصورة: " فيه تفسير بسيط إن إحنا التلاته طلعنا مؤلفين ومخرجين وعندنا شغف بكل أشكال الفنون، إننا أولاد عبد الحميد ‏دياب، بابا هو الفنان الأصلي في العيلة، الرسام والشاعر والمؤلف، والدكتور في زمن آخر وظروف تانية بابا كان هيختار يبقى شاعر ‏و بس، إنما كالعادة ظروف الحياة مش بتخلي معظم الناس تاخد الاختيارات اللي حبينها".‏

تابع: " محدش فينا إحنا التلاتة اتخرج من كلية فنية بس لما واحد ورا واحد فينا قرر يسيب شغله اللي درسه عشان نجري ورا شغفنا ‏كان بابا في ضهرنا وساعد إنه يخلق ظروف تخلينا نقدر نحقق أحلامنا اللي هو مقدرش يحققها. الكتاب ده حلم مؤجل من سنين، ‏أشعار مكتوبة علي روشتات وورق مناديل وفواتير وتذاكر مترو، وورق جرايد".‏

أضاف محمد دياب: " فيها اللي اتكتب وبابا في الكلية وعلى الجبهة في 73 وفيها اللي اتكتب من شهر، فيها اللي عن مصر وسوريا ‏وفلسطين والعراق والسودان. مفيش هدية شوفنا إننا نقدمها لبابا أحلى من إننا نجمع اللي كتبه ونشاركه مع الناس عشان يتعرفوا علي ‏الإنسان العظيم اللي هو أبونا، محمد وخالد وشيرين دياب".‏
اختتم محمد دياب: " للي يحب يشاركنا توقيع الديوان يوم 26 يناير الساعه 5 معرض الكتاب، دار دوّن".‏

‎صورة‎

اقرأ أيضًا:

بدء تصوير "ونحب تاني ليه" لياسمين عبد العزيز


ماجد المصري: ضربت سيدة استفزتني



ولاء مطاوع

https://www.filfan.com/

2004-2020 © FilFan.com يتم تطويره وإدارته بواسطة

clicking on ".search-btn" adds class "open" on "#search-overlay" clicking on ".close, .confirm" removes class "open" on "#search-overlay" clicking on ".social-btn" adds class "open" on "#social-overlay" clicking on ".close" removes class "open" on "#social-overlay"