علاقة يوسف فوزي بنشرة أخبار الفراخ

علاقة يوسف فوزي بنشرة أخبار الفراخ

مي فهمي | في الأخبار،سينما وتلفزيون تاريخ النشر: الثلاثاء ، 21 يناير 2020 - 23:7
يوسف فوزي ونشرة الفراخ يوسف فوزي ونشرة الفراخ
الفنان يوسف فوزي كان حديث الأوساط الفنية والجماهير بسبب ظهوره المصور الأخير مع إحدى الصحف المصرية بعد فترة من الغياب.

وكان تحدث الفنان يوسف فوزي في لقاءه عن مرضه وكواليس إصابته بمرض بالشلل الرعاش، وأثار الفيديو جدل كبير بسبب حالته المرضية وظهوره بهذا الشكل.

وكشف الكاتب محمد فتحي عبر حسابه على موقع Facebook أمر جديد يخص الفنان يوسف فوزي وعلاقته بـ "نشرة أخبار الفراخ".

وكتب فتحي:"سنة ٢٠٠٩.. عمر طاهر جاله شغل مع طارق نور.. وعمر كان مشغول جدا فقال لعبقري الاعلانات الشغل ده يعمله أشرف توفيق ومحمد فتحي.. كنا ساعتها بننشر كتب ساخرة وبنكتب في صفحة واحدة في الدستور والناس مبسوطة من التجربة كلها .. روحنا لطارق نور الشركة بتاعته.. دخلناله.. عنده كرسي مساج لطيف كده ما اعرفش موجود لسة والا لا.. خير يا استاذ.. قال عايزكم تكتبوا نشرة اخبار الفراخ.. اممممم... الناس كانت قايلالنا ان طارق بيعتبر الفراخ دول نجوم القناة اللي بجد ومعزتهم من معزة عياله واحنا فاكرينهم بيقلشوا.. تاخدوا كام.. كنا سائلين عمر فقال اطلبوا كذا.. مش كتير يا عمر؟؟ مش كتير لا.. ضربنا الرقم.. الراجل ما فاصلش.. وقال ياللا كل ما تكتبوا مجموعة تجيبوا شوية.. اشتغلت واشتغل أشرف والشغل مش عايز يخلص لدرجة اني كلمت تامر عبد الحميد يشيل عني شوية.. وجه وقت التسجيل وكنا عارفين ان اللي بيعمل صوت واحدة منهم هو طارق نور نفسه.. لكن المفاجأة ان اللي كان بيعمل صوت الفرخة التانية هو الفنان يوسف فوزي شخصيا.. ايوة سعادتك الراجل اللي كان بيطلع فيلين كتير اوي..واللي اعتزل التمثيل بعد إصابته بالشلل الرعاش هو اللي ياما ضحك ناس لسنين من غير ما حد يعرف ان هو صاحب الصوت ده.. شكرا للفنان يوسف فوزي اللي السوشيال ميديا ممكن تديله حقه.. وشكرا لطارق نور اللي لسة بيعتبر الفراخ من أهم نجوم قناته".

يوسف فوزي


كان الفنان يوسف فوزي أعلن في مارس 2016 إصابته بمرض "الباركنسون" أو "الشلل الرعاش".

وأوضح أثناء استضافته وقتها في برنامجه "العاشرة مساء" على قناة "دريم" الفضائية، أنه ضحك أمام الطبيب عندما أخبره بإصابته بهذا المرض، بسبب تصادف تمثيله لإصابته لنفس المرض، ضمن أحداث مسلسل "أوبرا عايدة" قبل 16 عاما.

وأشار يوسف فوزي لمقدم البرنامج وائل الإبراشي أن من المصادفات العجيبة أيضا أن يده اليمنى التي أصيبت بالمرض، هي نفسها التي مثّل في المسلسل أنها أصيبت بالشلل الرعاش.

يوسف فوزي من مواليد عام ١٩٤٥، بدأ مسيرته الفنية في فيلم "النمر الأسود" مع الفنان أحمد زكي، لينطلق بعدها ويشارك في الكثير من الأفلام مثل "وحوش في المينا، "مهمة في تل أبيب"، "٢٤ ساعة في إسرائيل" وغيرها من الأفلام.

واكتسب يوسف فوزي شهرته الأكبر في سن كبيرة عن طريق الأدوار التي جسدها في عدد من المسلسلات التلفزيونية أبرزها: "أوبرا عايدة" (٢٠٠٠)، "مبروك جالك قلق" (٢٠٠٥)، "لحظات حرجة" (٢٠٠٧)، "الملك فاروق" (٢٠٠٧)، أستاذ ورئيس قسم" (٢٠١٥).



اقرأ أيضاً


وفاة برايس أرمسترونج مؤدي شخصية "دراجون بول" الكرتونية

بعد حذف الصورة المثيرة للجدل... نيكول سابا تنفي حملها: مش ناقصة معقدين



مي فهمي

https://www.filfan.com/

2004-2020 © FilFan.com يتم تطويره وإدارته بواسطة

clicking on ".search-btn" adds class "open" on "#search-overlay" clicking on ".close, .confirm" removes class "open" on "#search-overlay" clicking on ".social-btn" adds class "open" on "#social-overlay" clicking on ".close" removes class "open" on "#social-overlay"