شيرين عن عودتها للسوشيال ميديا: الناس مش هتتعدل

إيمان مندور | فى حياة المشاهير

شيرين عبد الوهاب

الأحد , 29 ديسمبر 2019 - 00:12

في شهر أكتوبر الماضي، أعلنت الفنانة شيرين عبد الوهاب نيتها اعتزال مواقع التواصل الاجتماعي بسبب المضايقات التي تعرضت لها، عقب حديثها عن دعم ضحايا حرائق لبنان، وبالفعل نفذت شيرين كلامها وأغلقت جميع حساباتها الرسمية.

تحدثت شيرين عن موعد عودتها للسوشيال ميديا مرة أخرى، خلال حوارها ببرنامج "عرب وود"، موضحة أنها ستعود بالتأكيد، لأنه يبدو أن حال الناس لن يتغير، ولا مجال سوى استيعابه.

تابعت: "هو شكل الناس حالها مش هيتعدل، فا أنا كده كده هرجعهم، فعلا احنا بقينا معرضين اليومين دول لكم هائل من التعليقات ربنا يكون في عوننا إننا نقدر نستوعبها".

View this post on Instagram

شيرين توضح موعد عودتها للسوشيال ميديا مرة أخرى ترقبوا التقرير كاملًا غدًا على #عرب_وود #شيرين_عبدالوهاب #شيرين

A post shared by ArabWood (@arabwoodtv) on Dec 28, 2019 at 1:04pm PST

وكانت شيرين قبل غلق حساباتها أوضحت سبب قرارها بالاعتزال، والذي جاء بعد ‏ساعات قليلة من تصريحاتها حول إحياء حفلًا وتخصيص عائده المادي لدعم ضحايا حرائق لبنان، حيث قالت: "أنا عارفة ‏ومتأكدة إن الأغلبية متصالحين مع أنفسهم ومحترمين، ولو أنا كنت ببص للناس اللي كارهة نفسها وكرهة نجاح الآخرين ومش ‏عاجبها حاجة، مكنتش اتقدمت في حياتي ولا أنجزت أي حاجة".‏

تابعت شيرين: "النهاردة أنا نزلت بوست للبنان، علشان حبيت أساعد بأي حاجة أقدر عليها، واللي أقدر عليه هو صوتي، أنا مش ‏طبيبة ولا مهندسة وده اللي ممكن أساهم بيه، علشان حتى لو ساهمت بفلوس مهما كانت هتكون قليلة، فقررت أكون إيجابية وأعمل ‏حاجة أساعد بيها ولما شوفت التعليقات على منشوري الأخير، اكتشفت إن مهما الإنسان عمل، مش هيعجب الناس، ده غير إنهم مرة ‏يحملوني ويسقطوني، ومرة يجوزوني، ومرة يطلعوني معنديش انتماء لبلدي".‏

اختتمت عبد الوهاب: "فبما إن أنا شخص مش مغلوب على أمره، قررت أقفل كل حاجة ليها علاقة بالسوشيال ميديا، علشان مأذيش ‏نفسي ولا المتابعين المحترمين اللي هتقرأ التعليقات، أرجو من محبيني ما يزعلوش مني علشان دي حاجة هتريحني وتفرحني".‏

اقرأ أيضا:

بالفيديو- شيرين عن وصفها للمنتقدات بـ"العوانس": أنا ميتقاليش اخرسي

فيديو- شيرين عبد الوهاب: اللي بيحبني يدعيلي أكبر عيلتي