بعيدا عن الفن... قصة مصطفى قمر في الروضة الشريفة

إيمان مندور | فى حياة المشاهير

مصطفى قمر

السبت , 28 ديسمبر 2019 - 23:49 | اخر تحديث: السبت , 28 ديسمبر 2019 - 23:49

يؤدي الفنان مصطفى قمر مناسك العمرة، حيث نشر عدة صور له من الروضة النبوية الشريفة، عبر حسابه على Instagram.

أوضح قمر ما حدث له خلال العمرة وكيف أنه كان قد فقد الأمل من دخول الروضة الشريفة بسبب الزحام، كاتبا: "بصوا بقى سيبوكوا من الشغل والفن شوية، أنا عايز اقولكوا حاجة أجمل. لا مش أجمل دي أجمل حاجة في الدنيا، اللي هي إنك تعمل عمرة أو تحج لبيت الله.. أنا عندي حاجات كتير هاحكيلكوا عنها البوست الجاي أما دلوقتي بقي فربنا يوعدكوا زيي بزيارة المسجد النبوي ويحصلكوا نفحة زي اللي حصلتلي".

تابع: "أنا كنت خلاص مش هادخل الروضة من الزحمة لغاية ما شاورلي شاب مصري جميل اسمه حسام العمدة مهندس آثار وأخلاق عالية شاورلي أنا والظابط ووسع مكان ضيق جنبه، قعدت لغاية الفجر وصليت الفجر، وربنا كرمني كمان وصليت الشروق مش هاوصفلكوا لما ربنا يأذن وسيدنا محمد يدعوك علشان تصلي في الجنة قوللي إحساسك بقي ساعتها إيه.. قال رسول الله صلي الله عليه وسلم: ما بين بيتي ومنبري روضة من رياض الجنة. الله أكبر ربنا يوعدكوا صلوا بقى علي سيدنا محمد".

على صعيد آخر، كان مصطفى قمر، قد طرح مؤخرًا ألبومًا غنائيًا بعنوان "ضحكت ليا" وهو يضم 12 أغنية، ‏تعاون فيهم مع مجموعة كبيرة من الملحنين والموزعين.

اقرأ أيضا:

بمناسبة عيد ميلاده... رسالة مصطفى قمر لنجله إياد

فيديو - محمد حماقي يغني في كورال فرقة مصطفى قمر بإحدى الحفلات