كان بيرقيني... رامي إمام يتحدث عن جده "محمد"

ولاء مطاوع | فى حياة المشاهير

رامي إمام

الثلاثاء , 24 ديسمبر 2019 - 22:12 | اخر تحديث: الثلاثاء , 24 ديسمبر 2019 - 22:12

شارك المخرج رامي إمام صورة من طفولته ظهر فيها برفقة والده الفنان عادل إمام وجده محمد إمام، عبر ‏حسابه الخاص على Instagram.‏

كتب رامي إمام على الصورة معلقًا: "الصورة دي اتبعتت لي من حضراتكم كتير جدا الفترة اللي فاتت، ‏والحقيقة رجعتني حوالي 38 سنة لورا، دي مش مجرد صورة بالنسبة لي، دي من أحب الصور لي، مش لأن ‏فيها 3 أجيال بيتصوروا، لا، لأن فيها جدي الله يرحمه، محمد إمام، الكبير".‏

شارك في استطلاع راي في الفن لعام ٢٠١٩

تابع: " الراجل اللي ما شفتش في حياتي زي حنيته وطيبته وجدعنته وتلقائيته وبساطته وخفة دمه، والأخيرة ‏دي بالذات الظاهر طلعت جينات في العيلة، كنت بحس بالراحة معاه، وأحلي لحظة في حياتي لما كان بيرقيني ‏و يدعيلي، وبيدعي لأبويا روح يا عادل، ربنا يكرمك كمان وكمان".‏

أضاف رامي إمام: " و في أواخر أيامه ، جاله زهايمر، ومكانش فاكرني، ولا فاكر أي شخص في عيلتنا، ‏تمنيت ساعتها إن الأيام ترجع بي واتصور معاه أكتر وأكتر وأكتر، لحد ما مات سنة 1997، لكن دايما حاسس ‏إنه عايش معايا طول الوقت، ربنا يرحمك يا جدو ويغفر لك وتكون مستريح لحد ما نجيلك".‏

‎‎

يشار إلى أن المخرج رامي إمام يعمل على مسلسل "فالنتينو" والذي من المقرر عرضه في رمضان 2020.‏

مسلسل "فالنتينو" بطولة عادل إمام وداليا البحيري، ودلال عبد العزيز، وعمرو وهبة، ورانيا محمود ‏ياسين، ‏وبدرية طلبة، وهدى المفتي، وسليمان عيد، وحمدي الميرغني، وعدد كبير من الوجوه الجديدة، وتأليف ‏أيمن ‏بهجت قمر‎.‎

اقرأ أيضًا:

نوبة ضحك تصيب رامي إمام وحمدي الميرغني بسبب مشهد للزعيم في "فلانتينو"

بعد تأديته لرقصته الشهيرة... هكذا علق رامي إمام على ظهور محمود رضا