بعد انتهاء عروض مسرح مصر... رسالة مصطفى خاطر للجمهور

هالة أبو شامة | فى حياة المشاهير

مصطفى خاطر

الاثنين , 2 ديسمبر 2019 - 19:28

بعد استمرار عروضه لمدة 7 سنوات، انتهت مؤخرًا تجربة "مسرح مصر"، التي شارك فيها عدد كبير من الوجوه الشابة بقيادة الفنان أشرف عبد الباقي، ومن بينهم مصطفى خاطر، الذي وجه رسالة للجمهور.

نشر خاطر، عبر حسابه الشخصي على موقع Instagram، صورة جمعته بفريق عمل مسرح مصر، وعلق عليها موجهًا رسالة للجمهور، أعرب فيها عن مدى سعادته بالنجاح الذي حققه المسرح، وحزنه الذي اختلط بالحنين للعروض، حيث علق كاتبًا: "والله العظيم أنا مش عارف أقول ايه المشاعر جوايا كتيره قوي فرحه كبيره بالنجاح وحزن شديد بحنين غريب".

تابع: " أنا مش عارف بقول ايه المشاعر اللي جوايا مش لاقيلها كلام اكتبو، بس بشكر الجمهور اللي وقف في ظهرنا علي مدار ٧ سنين بشكر الأستاذ أشرف عبد الباقي اللي وثق فينا وادنا فرصة كبيرة زي دي وعلمنا كتير قوي وصبر علينا واحتوانا كأب وأخ كبير بشكر كل القائمين على المشروع من أصغر عامل لأكبر حد ساهم معانا في التجربة بشكر عم حسن نجيب مدير الفرقة الخبرة الكبيرة والحب اللي زرعوا فينا بشكر الأستاذ نادر صلاح الدين، المخرج والمؤلف للمشروع وصاحب مجهود كبير وخبرة كبيرة ادهالنا وأخيرا بشكر كل زمايلي الممثلين في الفرقة وبقولكم أنا بحبكم جدا جدا ونعم الاخوات والصحاب وإن شاء الله دايما في ظهر بعض".

View this post on Instagram

والله العظيم انا مش عارف اقول ايه المشاعر جوايا كتيره قوي فرحه كبيره بالنجاح وحزن شديد بحنين غريب انا مش عارف بقول ايه المشاعر اللي جوايا مش لاقيلها كلام اكتبو بس بشكر الجمهور اللي وقف في ظهرنا علي مدار ٧ سنين بشكر الاستاذ اشرف عبد الباقي اللي وثق فينا وادنا فرصه كبيره زي دي وعلمنا كتير قوي وصبر علينا واحتوانا كأب واخ كبير بشكر كل القائمين علي المشروع من اصغر عامل لاكبر حد ساهم معانا في التجربه بشكر عم حسن نجيب مدير الفرقه الخبره الكبيره والحب اللي زرعو فينا بشكر الاستاذ نادر صلاح الدين المخرج والمؤلف للمشروع وصاحب مجهود كبير وخبره كبيره ادهالنا واخيرا بشكر كل زمايلي الممثلين في الفرقه وبقولكم انا بحبكم جدا جدا ونعم الاخوات والصحاب وان شاء الله دايما في ظهر بعض #مسرح_مصر

A post shared by Mostafa Khater (@moustfakhater) on Dec 2, 2019 at 5:12am PST

شارك في بطولة العروض المسرحية، كل من أشرف عبد الباقي وعلي ربيع ومحمد عبد الرحمن وحمدي الميرغني ومصطفى خاطر ومحمد أسامة "أوس أوس" وكريم عفيفي ودينا محسن "ويزو" وإسراء عبد الفتاح وسارة درزاوي وإبرام سمير وحامد الشراب وبيشوى طاهر ومحمد توب ووائل العوني ومصطفى بسيط ومحمد أنور ومهندس ديكور محمود سامي وأزياء هالة الزهوي ومدير الفرقة حسن نجيب، والعروض من تأليف وإخراج نادر صلاح الدين، وإخراج تليفزيوني سعيد حامد وإنتاج صادق الصباح.

على صعيد آخر، كان مصطفى خاطر، عرض له في رمضان 2019 مسلسل "طلقة حظ" مع أيتن عامر، ومحمد أنور، وهبة مجدي، وأحمد ماهر، وأحمد التهامي، وإنعام سالوسة، وإيمي سالم، ومحمود حافظ، وحسني شتا، وميرنا نور الدين، وخالد أنور، ومن تأليف إيهاب بليبل، وإخراج أحمد خالد أمين، وإنتاج شركة "سينرجي".

اقرأ أيضًا:
تعليق أشرف عبد الباقي على انتهاء تجربة "مسرح مصر"
صورة- هكذا ودع عمر متولي مسرح مصر... "هتوحشوني"