بعد سنوات من الرفض... تامر حسني يتعاقد مع شقيقه

إيمان مندور | فى حياة المشاهير

تامر حسني وشقيقه

الأربعاء , 27 نوفمبر 2019 - 11:48 | اخر تحديث: الأربعاء , 27 نوفمبر 2019 - 11:51

أعلن الفنان تامر حسني تعاقده لأول مرة مع شقيقه المنتج حسام حسني، لإنتاج فيلمه الجديد، وذلك بعد سنوات من رفضه للتعاون بينهما.

نشر تامر صورته مع شقيقه أثناء توقيع العقود، وذلك عبر حسابه على Instagram، وعلق كاتبا: "الصورة دي والفرحة اللي في ضحكة حسام أخويا لازم اكلمكوا عنها.. دا حسام أخويا الكبير كان نفسه يدخل عالم الإنتاج الفني من ٥ سنين وينتجلي وأنا الحقيقة كنت دايماً برفض وكان بيزعل مني، بس كنت دايماً بشرحله إنه لازم يدرس السوق الأول وميعتمدش عليا ويفهم ويذاكر كتير أوي مش عشان ينتج لاااااا عشان يكون منتج شاطر".

تابع: "فعلاً عمل كدا واستوعب كلامي وبدأ يتفرج ويتابع كل اللي بيحصل من أول فيلم اهواك وتصبح على خير لحد ما شارك بجزء بسيط في إنتاج فيلم (البدلة) وأشرف على إنتاج ألبومي (عيش بشوقك) وانتوا أكيد شايفين العملين طلعوا ازاي للناس وازاي نجحوا والحمد لله كل عمل فيهم في السنة دي حقق نجاح كبير جداً".

أضاف: "أنا في الصورة دي كنت قاعد بمضي عقد أول فيلم إنتاجه وكان بيقولي (طلعت عيني عشان القعده دي) وأنا كنت بقوله إوعى تزعل مني أنا كنت بعلمك تكون قد المسؤلية لوحدك، ودلوقتي بأمانة أنت قدها وأنا اللي فخور إنك بتنتج لي عشان شايفك بجد شخص بقى شاطر جداً ومجتهد وبتفكر صح وشركتك دلوقتي فيها أقوى الأفراد من كل الجوانب وأنا فخور بيهم كلهم فعلاً، ألف مبروك يا حبيبي يا أخويا الكبير ياللي ياما علمتني حاجات جميلة وأنا صغير النهاردة بردهالك من قلبي وبدعيلك ربنا يكرمك ويكرمنا جميعاً ويكرم كل مجتهد وتكمل مشوارك وتنتج ليا ولغيري".

View this post on Instagram

الصوره دي والفرحه اللي في ضحكة حسام اخويا لازم اكلمكوا عنها دا حسام اخويا الكبير كان نفسه يدخل عالم الإنتاج الفني من ٥ سنين و ينتجلي وانا الحقيقه كنت دايماً برفض و كان بيزعل مني بس كنت دايماً بشرحله انه لازم يدرس السوق الأول و ميعتمدش عليا و يفهم و يذاكر كتير اوي مش عشان ينتج لاااااا عشان يكون منتج شاطر و فعلاً عمل كدا و استوعب كلامي و بدأ يتفرج و يتابع كل اللي بيحصل من اول فيلم اهواك و تصبح على خير لحد ما شارك بجزء بسيط في انتاج فيلم البدله و اشرف على انتاج البومي عيش بشوقك و انتوا اكيد شايفين العملين طلعوا ازاي للناس وازاي نجحوا والحمدلله كل عمل فيهم في السنه دي حقق نجاح كبير جداً ، انا في الصوره دي كنت قاعد بمضي عقد اول فيلم انتاجه و وكان بيقولي 😂 (طلعت عيني عشان القعده دي ) و انا كنت بقوله إوعى تزعل مني انا كنت بعلمك تكون قد المسؤليه لوحدك و دلوقتي بأمانه انت قدها و انا اللي فخور انك بتنتجلي عشان شايفك بجد شخص بقى شاطر جداً و مجتهد و بتفكر صح و شركتك دلوقتي فيها اقوى الأفراد من كل الجوانب و انا فخور بيهم كلهم فعلاً ،الف مبروك يا حبيبي يا اخويا الكبير ياللي ياما علمتني حجات جميله وانا صغير النهارده بردهالك من قلبي و بدعيلك ربنا يكرمك و يكرمنا جميعاً و يكرم كل مجتهد و تكمل مشوارك و تنتج ليا و لغيري

A post shared by Tamer Hosny (@tamerhosny) on Nov 27, 2019 at 1:30am PST

على جانب آخر، ينتظر تامر حسني عرض فيلمه الجديد "الفلوس"، خلال الفترة المقبلة، حيث كان من المقرر ‏عرضه في موسم أفلام ‏عيد الأضحى، إلا أن الشركة المنتجة للفيلم قررت تأجيل العرض، فيلم "الفلوس" من ‏بطولة زينة، خالد الصاوي، عائشة بن أحمد، ‏نانسى صلاح، محمد سلام، تأليف محمد عبد المعطي، إخراج سعيد ‏الماروق. ‏ ‏