خطيبة هيثم أحمد زكي: الله سيجمعنا بأحبابنا في الجنة

مي فهمي | فى حياة المشاهير

هيثم زكي وخطيبته إنجي سلامة

الأربعاء , 13 نوفمبر 2019 - 14:40 | اخر تحديث: الأربعاء , 13 نوفمبر 2019 - 14:40

بعد مرور أسبوع على وفاة الفنان الشاب الراحل هيثم زكي بشكل مفاجئ عن عمر يناهز الـ35 عاماً، قررت خطيبته إنجي سلامة أن تترك رسالة مؤثرة لجمهور الراحل ومتابيعيها على موقع التواصل الاجتماعي Facebook.

وتحدثت إنجي في رسالتها عن الاختبارات التي يمر بها الإنسان في حياته والأزمات والعقبات التي يقع فيها ولا يكون له ملجأ سوى الله.

وأوضحت إنجي سلامة أن أي تعرض للبلاء هو خير للإنسان، وأن ليس كل ما يتمناه المرء يتحقق ويدرك.

وأردفت إنجي أن هناك إناس لم يستطيع القدر أن يجمع بينهم في الدنيا ولكنها لديها يقين أنها ستجمع بهم في الآخرة ومنهم خطيبها الراحل هيثم أحمد زكي.

وأنهت إنجي حديثها بمطالبة الجميع بالدعاء لهيثم.

"انا بكتب الكلام ده و انا مش قادرة اكتب حاجة بس قلت ممكن يكون فيه اي حاجة تفيد أي شخص تكون في ميزان حسنات هيثم وانا بفكر نفسي قبلكم والله
كلنا بيعدي علينا اختبارات في حياتنا وممكن نحس انه اختبار كبير اوي و صعب بس ربنا قال: ( الذين اذا اصابتهم مصيبة قالوا إنا لله وإنا اليه راجعون أولئك عليهم صلوات من ربهم ورحمة وأولئك هم المهتدون )
يعني انا كلي لله ورجعاله علشان الواحد يفتكر انه في الاخر ملوش غير ربنا و كلنا في الاخر رجعنله مهما قلوبنا تعلقت بأشخاص او أشياء.
سيدنا يعقوب لما قالوله ان ابنه سيدنا يوسف توفي قال: (فصبر جميل والله المستعان على ما تصفون) الصبر الجميل مش معناه ان مفيش حزن هو كان حزين جدا على يوسف واخوه.. بس يكون فيه رضا... في ناس وقت البلاء ممكن تقول ليه يا رب عملت فيا كده او اشمعنى انا ويقول انا صابر بس ده مش معنى الصبر اني اكون معترضة على قضاء الله.
دايما خلي شكوتك لله واتكلم معاه من قلبك ربنا سميع قريب ودود مجيب زي ما سيدنا يعقوب قال كمان ( إنما أشكوا بثي وحزني الى الله وأعلم من الله ما لا تعلمون )
اي ابتلاء انت بتعدي بيه دلوقتي ليه اخر وليه جزاء وهتشوف جزاء الصبر ده في الدنيا والاخره بس خليك راضي بقضاء الله ربنا قال: ( سيجعل الله بعد عسر يسرا) ده وعد.
الصبر معناه اني راضية وعارفة ان في جزاء كبير اوي و في خير ( انما يوفى الصابرون اجرهم بغير حساب ) ( والصابرين في البأساء والضراء وحين البأس أولئك الذين صدقوا وأولئك هم المتقون )
وقت البلاء ممكن تلاقي ناس كتير حواليك ربنا بعتهوملك يهونوا عليك لكن مفيش حد في ايده حاجة بجد غير الله ومحدش هيبقى حاسس بوجعك غيره ( ليس لها من دون الله كاشفة ) ( أمن يجيب المضطر اذا دعاه ويكشف السوء)
( إن يمسسك الله بضر فلا كاشف له الا هو ) ربنا أعلم بالخير ليك وبالأصلح ليك و مع البلاء ربنا بينزل لطف و صبر يخليك تتعرف على ربنا بشكل جديد يمكن مكنتش تعرفه بيه لولا البلاء ده.
وأم سيدنا موسى لما ألقت بابنها في الماء ربنا ربط على قلبها وصبرها علشان هو اعلم بالخير وصبرت وربنا جمعها بيه تاني ( وأصبح فؤاد أم موسى فارغاً إن كادت لتبدي به لولا أن ربطنا على قلبها لتكون من المؤمنين ).. يمكن ربنا ميجمعكش باللي بتحبه في الدنيا لحكمة هو يعلمها وهو العليم الحكيم لكن يجمعنا بيهم في الجنة في الحياه الحقيقية اللي مفيهاش ولا حزن ولا تعب ولا مرض ولا فراق ( ولهم فيها ازواج مطهرة وهم فيها خالدون )
اي حد فقد شخص عزيز خليك عارف ان مش دي النهاية هو بس انتقل قبلك بشوية لحد ما انت كمان تخلص رسالتك في الأرض ومهما طال الوقت فهو برده قصير في الاخر هنقول ده اكنه كان يوم او اقل كمان ( يوم او بعض يوم ) ( وما أمر الساعة الا كلمح البصر أو هو أقرب)
يا ريت كلنا نعمل حساب اليوم ده و نبتدي نتعرف على ربنا بأسمائه وصفاته وجماله علشان يوم لما يجلنا اليوم ده يبقى اسعد ايام حياتنا ( الذين تتوفاهم الملائكة طيبين يقولون سلام عليكم ادخلوا الجنة بما كنتم تعملون ) ( قيل ادخل الجنة. قال يا ليت قومي يعلمون بما غفر لي ربي وجعلني من المكرمين )
اي حد اتغير بسبب هيثم أو أثر فيه يا ريت ياخد نيه ان أي عمل خير بيعمله أو تغيير يكون في ميزان حسنات هيثم وادعوله دايما ويارب يجمعنا بكل احبابنا في الفردوس الاعلى بدون سابقة عذاب ولا عتاب ولا حساب".

اقرأ أيضاً

لماذا لم تنقذه خطيبته؟!... صديق هيثم أحمد زكي يوضح سبب تركه بمفرده

تفاصيل آخر مكالمة بين هيثم أحمد زكي وخطيبته